فوتو: Zakon.kz
سوتتالۋشى ءوزىن كووپەراتيۆ يەسى ەكەنىنە سەندىرىپ, ءۇي الۋعا كومەكتەسەمىن دەپ يلاندىرعان.
41 جاستاعى ايەل, ءتىپتى, كەڭسەنى جالعا الىپ, الەۋمەتتىك جەلىلەردە جالعان جارناماسىن بەلسەندى تۇردە تاراتقان. الاياق «وتباسى», «50-دە 50», «تەز ارادا ءبولىپ تولەۋ» جانە «جيناق» دەگەن باعدارلامالاردى ويلاپ تاۋىپ, سول ارقىلى تۇرعىن ءۇي ساتىپ الۋعا كومەك كورسەتۋگە ۋادە بەرگەن.
وسىلايشا, سالىمشىلار الاياقتىڭ ارنايى اشىق شوتىنا اقشا اۋدارعان, ءوز پايداسىن كوزدەگەن ول اكتيۆتەردى كەيبىر ينۆەستورلاردىڭ ەسەبىنەن تارتۋ ارقىلى استانا, اقمولا وبلىسى, اقتاۋ جانە اتىراۋ قالالارىنان كەزەكتە تۇرعان باسقا تۇرعىندارعا باسپانا ساتىپ الىپ بەرگەن. وسىلايشا ول كەزەگى كەلمەي قالعان 16 سالىمشىعا جالپى سوماسى 525 ميلليون تەڭگەگە جۋىق ماتەريالدىق شىعىن كەلتىرگەن.
سوت ونى قىلمىستىق قۇقىق بۇزۋشىلىق جاساعانى ءۇشىن كىنالى دەپ تانىپ, مۇلكى تاركىلەنىپ, باسشىلىق قىزمەتتەردى اتقارۋ قۇقىعىن شەكتەۋمەن قاتار 6 جىلعا باس بوستاندىعىنان ايىردى.
