«2024 جىلدىڭ العاشقى التى ايىندا ءبىزدىڭ اۋداندا جالپى قۇنى 4 034,8 ملن تەڭگەنىڭ اۋىل شارۋاشىلىعى ءونىمى ءوندىرىلدى» دەيدى اۋدان اكىمى الپامىس كوشكىنباەۆ. ونىڭ اڭگىمەسىنەن جاڭاقالا اۋدانىندا مەملەكەتتىك باعدارلامالار ارقىلى 2024 جىلى ىسكە اسىپ جاتقان جوبالار جانە الداعى جوسپارلار تۋرالى تولىعىراق مالىمەت بىلدىك. كۇنى بۇگىن اۋداندا 518 شارۋا قوجالىعى, 42 جشس بار ەكەن. ال رەسمي تىركەلگەن 15 اۋىلشارۋاشىلىق وندىرىستىك كووپەراتيۆىنىڭ 8-ءى ناقتى جۇمىس ىستەپ تۇر.
«اۋداندا 93 شارۋا قوجالىعى اسىل تۇقىمدى مال وسىرۋمەن اينالىسادى. ونىڭ ىشىندە 86 قوجالىق – ءىرى قارا, 15 قوجالىق – قوي, 5 قوجالىق جىلقى وسىرەدى. قازىر بىزدەگى اسىل تۇقىمدى سيىر مالىنىڭ ۇلەسى – 24,5% (20 265 باس), قوي – 12,5% (16 635 باس), ال جىلقى 4,2% (1 438 باس) بولدى», دەيدى الپامىس جاڭاباي ۇلى.
وڭىردەگى وسىنداي وڭ وزگەرىس ءتورت ت ۇلىكتىڭ بابىن تاپقان شارۋالاردىڭ تىنىمسىز ەڭبەگى دەسەك, مەملەكەتتىڭ دە اۋىلعا ارنالعان جاردەمى از ەمەس. 2024 جىلدىڭ 6 ايىندا عانا وسى جاڭاقالا اۋدانىنداعى شارۋا قوجالىقتارىنا 511,3 ملن تەڭگە سۋبسيديا تولەنگەن. سونىڭ ىشىندە مال شارۋاشىلىعى سالاسىندا تولەنگەن سۋبسيديا كولەمى 454,3 ملن تەڭگە بولىپتى. اۋىل شارۋاشىلىعى تەحنيكاسىن ساتىپ الۋ بويىنشا 57,0 ملن تەڭگە سۋبسيديا بەرىلگەن. اۋدان باسشىسى بيىلعى 6 ايدا اۋداندا 22 تراكتور, 31 اۋىل شارۋاشىلىعى تەحنيكاسى جاڭادان ساتىپ الىنعانىن ايتادى. بۇعان قوسا «كازاگروقارجى» اق جەلىسىمەن 140,4 ملن تەڭگە جەڭىلدەتىلگەن نەسيە بەرىلگەن.
اۋىل شارۋاشىلىعى سالاسىندا تارتىلعان ينۆەستيتسيا كولەمى 6 اي ىشىندە 267,4 ملن تەڭگەگە جەتكەن.
اۋىل-ايماقتى دامىتۋ ءۇشىن شاعىن شارۋاشىلىقتاردى قولداۋعا ارنالعان «اۋىل اماناتى» باعدارلاماسى اياسىندا 2023 جىلى جاڭاقالا اۋدانىندا شارۋالاردان 87 ءوتىنىم تۇسكەن ەكەن. سونىڭ ىشىندە 46 جوبا ماقۇلدانىپ, 290,8 ملن تەڭگە قاراجات اۋدارىلىپ, جۇزەگە اسىپتى. بۇل باعدارلاما بيىل دا جالعاسىن تاپتى. 2024 جىلى «اقجايىق» اۋىلشارۋاشىلىق وندىرىستىك كووپەراتيۆى اق باسقارماسىنا جاڭاقالالىقتاردان 39 جوبا ءتۇستى. بۇل جوبالاردىڭ جالپى قۇنى 320,7 ملن تەڭگە ەدى. سونىڭ ىشىندە 7 جوبا – ءسۇتتى سيىر اكەلۋ, 4 جوبا – ءىرى قارا بورداقىلاۋ, 10 جوبا – قوي-ەشكى الۋ, 3 جوبا قۇس ءوسىرۋ بولىپتى. ودان بولەك, ەگىنشىلىك, كولىك جۋ بەكەتى, مال سويۋ تسەحى, وڭدەۋ كاسىپورىندارى سەكىلدى ارالاس جوبالار دا بار. قازىر اتالعان 39 جوبانىڭ 30-ى قاناعاتتاندىرىلعان.
«سونىمەن قاتار 3 اۋىل شارۋاشىلىعى وندىرىستىك كووپەراتيۆىنە 70,5 ملن تەڭگە مولشەرىندە نەسيە بەرۋ جونىندەگى جوبالارىمىزدى «Aqjaiyq» اشوك اق باسقارماسى تالقىلاپ جاتىر. ەكى جوبا قازىردىڭ وزىندە قاناعاتاندىرىلدى», دەيدى اۋدان اكىمى.
مەملەكەت باسشىسى جولداۋىندا وتاندىق كاسىپكەرلىكتى قولداۋ جانە باسەكەلەستىكتى دامىتۋ بويىنشا اتقارۋشى ورگانداردىڭ الدىنا بىرقاتار ناقتى مىندەت قويعان ەدى. 2025 جىلعا قاراي ىشكى جالپى ونىمدەگى شاعىن جانە ورتا كاسىپكەرلىك ۇلەسىن 35%-عا دەيىن ۇلعايتۋ تاپسىرىلعان. وسى باعىتتا مەملەكەت قابىلداعان شەشىمدەرگە سايكەس شاعىن جانە ورتا بيزنەس تۇراقتى دامىپ كەلەدى. ءدال قازىر جاڭاقالا اۋدانىندا 1 736 شاعىن جانە ورتا كاسىپكەرلىك نىسانى جۇمىسىن جۇرگىزىپ تۇر. بۇل سالادا 2 166 ادام ەڭبەك ەتىپ, ناپاقاسىن ايىرىپ ءجۇر.
«بيىل كاسىپكەرلىك سالاسىندا 390 ملن تەڭگەگە 8 جوبا جۇزەگە استى. ونىڭ ىشىندە 2 ازىق-ت ۇلىك دۇكەنى, 2 سۋپەرماركەت, 1 مينيماركەت, 1 ءدامحانا, 1 اۆتوكەشەن جانە 1 تەحنيكالىق قىزمەت كورسەتۋ ستانساسى پايدالانۋعا بەرىلدى. جىل سوڭىنا دەيىن بارلىعى 430,0 ملن تەڭگەگە 10 ينۆەستيتسيالىق جوبانى جۇزەگە اسىرامىز دەپ جوسپارلاپ وتىرمىز», دەيدى الپامىس كوشكىنباەۆ.
«بيىل اۋداندا تۇرعىن ءۇي كەزەگىندە تۇرعان ازاماتتاردى تۇرعىن ۇيمەن قامتۋ ءۇشىن «سامۇرىق-قازىنا» ارقىلى 50 ۇيگە – 774,8 ملن تەڭگە, بقو قۇرىلىس باسقارماسى ارقىلى 5 ۇيگە 89,1 ملن تەڭگە قارجى ءبولىندى. بۇعان قوسىمشا بيىل 12 ۇيگە بيۋدجەتتىك ءوتىنىم جولدادىق», دەيدى ا.كوشكىنباەۆ.
باتىس قازاقستان وبلىسى
