تۇركياداعى قازاقستان ازاماتتارى سايلاۋعا ءبىر كىسىدەي قاتىستى

قازاقستان رەسپۋبليكاسىنىڭ ءتۇر­كيا­داعى ەلشىلىگى ىستامبۇلداعى باس كون­سۋلدىعى مەن انتالياداعى كونسۋل­دى­عىن­دا كەزەكتەن تىس پرەزيدەنت سايلاۋىن وتكىزۋ ءۇشىن سايلاۋ ۋچاسكەلەرى قۇرىلعان بولاتىن. سايلاۋعا دايىندىق كەزىن­دە تۇركيا­داعى قازاقستان رەسپۋب­لي­كاسىنىڭ ازاماتتارى اراسىندا ەلشىلىك تاراپىنان اۋقىمدى جۇ­مىستار اتقارىلدى. اتاپ ايتقاندا, قازاقستاندىق ديپلو­ماتيالىق ميسسيا قىزمەتكەرلەرى ءتۇر­كيادا وقىپ جۇرگەن قازاقستاندىق ستۋدەنتتەر جانە ەلدە ۋاقىتشا تىركەلگەن قازاقستاندىق ازاماتتارمەن سايلاۋ تۋرالى اقپارات بەرۋ ماقساتىمەن كەزدەسۋلەر وتكىزگەن بولاتىن. ەلشىلىكتىڭ ينتەرنەت پاراقشاسى مەن الەۋمەتتىك جەلىلەرىندە قازاقستاننىڭ تۇركياداعى ديپلوماتيالىق ميسسيالارىندا قۇرىلعان سايلاۋ ۋچاسكەلەرى تۋرالى ءتيىستى اقپارات ورىن العان. «انكاراداعى سايلاۋ ۋچاسكەمىز سايلاۋشىلاردى قابىلداۋعا دايىن جانە سايلاۋ زاڭناماسىنىڭ ءتيىستى نورماتيۆتىك اكتىلەرگە سايكەس قاجەتتى ينفراقۇرىلىم مەن سايلاۋ ماتەريالدارىمەن جابدىقتالعان. العاشقى سايلاۋ­شىلار ۋچاسكەمىزدە جەر­گىلىكتى ۋاقىتپەن تاڭعى ساعات 7.30-دا ­داۋىس بەردى», دەپ مالىمدەدى №236 سايلاۋ ۋچاس­كەسىنىڭ سايلاۋ كوميسسياسىنىڭ ءتور­اعاسى, ەلشىلىكتىڭ كەڭەسشى-ۋاكىلى ءالىمحان ەسەنگەلديەۆ. انكارا, ىستامبۇل جانە انتاليا قالالارىندا سايلاۋ 26 ساۋىردە انكارا ۋاقىتىمەن ساعات 07.00-20.00 ارالىعىندا وتكىزىلدى.