فوتو: جامبىل وبلىسى اكىمدىگى
ونەرتاپقىش تاراز قالاسىنداعى مەكتەپتەردىڭ بىرىندە 12-سىنىپتا وقيدى. ول بولاشاقتا IT ينجەنەرى بولۋدى ارماندايدى. قانات ءتاجىحان گرانت قاراجاتىنا قۋاتتىلىعى 6,6 كۆت بولاتىن قازاقستانداعى تۇڭعىش قالقىمالى كۇن ەلەكتر ستانتسياسىن جاساپ شىعاردى. جۇيە كۇن ترەكەرىمەن جانە ءوزىن-ءوزى تازالاۋ فۋنكتسياسىمەن جابدىقتالعان. اۆتوردىڭ ايتۋىنشا, ونىڭ جوباسى قازاقستان نارىعىنداعى ەڭ ءتيىمدىسى.
قاناتتىڭ جوباسى قازىردىڭ وزىندە الماتى وبلىسىنىڭ ەكولوگيالىق ايماقتارىنىڭ بىرىندە جۇزەگە اسىرىلىپ جاتىر.
ايتا كەتەيىك, قانات تاجىحان «تاۋەلسىزدىك ۇرپاقتارى» جوباسىنىڭ گرانت يەگەرى. بيىل اتالعان بايقاۋ اياسىندا جاستاردىڭ باستامالارىن جۇزەگە اسىرۋعا 3 ميلليون تەڭگە سوماسىندا 30 گرانت بولىنەدى. قازىر «تاۋەلسىزدىك ۇرپاقتارى» بايقاۋىنا وتىنىمدەر قابىلدانىپ جاتىر.
