مەن قازاقستان مەملەكەتىندە وسىمەن ءتورتىنشى رەت بولىپ وتىرمىن. ءار كەلگەن سايىن حالىقتىڭ اۋىزبىرشىلىگى مەن قوناقجايلىعىنا كۋا بولۋدامىن. وسىنداي بىرتۇتاستىقتىڭ كورىنىسىن بۇگىنگى سايلاۋ ۇدەرىسىنەن انىق بايقاۋعا بولادى. اعىلىپ كەلىپ جاتقان تۇرعىنداردىڭ ءوز بولاشاعىنا داۋىس بەرۋدەگى تالپىنىسى عوي بۇل.
حالىقارالىق بايقاۋشى رەتىندە باسقا ەلدەردە بولعان تاجىريبەلەرىمدى سالىستىرا وتىرىپ, بۇگىنگى سايلاۋ ۋچاسكەلەرىن ارالاي ءجۇرىپ, ءبىرىنشى بايقاعانىم – حالىقتىڭ كوپتىگى. سول جەردە كەزدەسكەن قىزمەتكەرلەردەن سۇراستىرىپ كورگەنىمدە, ولار ادامداردىڭ سانى ءسات سايىن ارتىپ, سايلاۋ بارىسى جوعارى دەڭگەيدە ءوتىپ جاتقاندىعىن ايتتى.
سايلاۋ ۇدەرىسىنە كەلەر بولساق, ول ءار ەلدە ءارتۇرلى وتەدى. قازاقستان مەملەكەتىنىڭ سايلاۋ بارىسىنا ماجارستاننىڭ سايلاۋ ۇدەرىسىمەن سالىستىرا وتىرىپ باعا بەرە الامىن. وتە ۇيىمداسقان تۇردە, سونداي-اق, بەلگىلى ءتارتىپ بويىنشا ءوتىپ جاتىر. سونىمەن قاتار, مۇندا كەلەر ۋاقىتتا «قازاقستان رەسپۋبليكاسىنىڭ سايلاۋ تۋرالى» كونستيتۋتسيالىق زاڭىمەن تانىستىم. ەشقانداي قۇقىق بۇزۋشىلىق پەن قايشىلىقتار جوق, سايلاۋ تولىعىمەن زاڭعا سايكەس وتۋدە.
مارتون دوندوشي, ۆەنگريادان كەلگەن حالىقارالىق بايقاۋشى.
