كazinform جازعانداي, ءتيىستى جولدامالاردى الۋعا وتىنىمدەر بەرىلگەن, ولاردىڭ اراسىندا شەتەلدىك اڭشىلار دا بار.
اتاپ ايتقاندا, كۇزگى اۋەسقوي (سپورتتىق) اڭشىلىقتىڭ مەرزىمى بەلگىلى بولدى. سونىمەن, بودەنەنى 2024 جىلعى 20 تامىزدان 30 قاراشاعا دەيىن, ال قاز جانە ۇيرەكتى اۋلاۋ 31 تامىزدان 30 قاراشاعا دەيىن بەلگىلەندى.
بورسىق اۋلاۋعا بەرىلەتىن جولداما 1 قىركۇيەكتەن 15 قاراشاعا دەيىن, شىلگە – 7 قىركۇيەكتەن 30 قاراشاعا دەيىن, قابانعا 7 قىركۇيەكتەن 31 جەلتوقسانى ارالىعىندا, ەلىك پەن بۇلانعا - 15 قىركۇيەكتەن 31 جەلتوقسانعا دەيىن, سونداي-اق قارساق, تۇلكى, قويانعا جولداما 1 قاراشادان 2025 جىلدىڭ 15 اقپانىنا دەيىنگى ارالىققا بەرىلدى.
«2024 جىلى جەرگىلىكتى اڭشىلاردان باسقا ەۋروپادان 36 جانە رەسەيدەن 16 اڭشى ەلىك اۋلاۋعا ءوتىنىش بەردى», - دەلىنگەن اتالعان مەكەمە اقپاراتىندا.
قوستاناي وبلىسىندا 109 اڭشىلىق شارۋاشىلىعى بار. اڭشى ءبىر شارۋا قوجالىعىنا رۇقسات السا, باسقاسىنىڭ اۋماعىندا اڭ اۋلاي المايدى. سونداي-اق ماۋسىم باستالعانعا دەيىن جانە اياقتالعاننان كەيىن اڭ اۋلاۋعا تىيىم سالىنعان.
