دەپۋتات كوكتەمگى سۋ تاسقىنىنان كەيىنگى ماحامبەت اۋدانى تۇرعىندارىنىڭ ۇيلەرى مەن شارۋاشىلىقتارىنىڭ جاي-كۇيىمەن تانىستى. ول زارداپ شەككەن ازاماتتاردىڭ سۇراقتارىن تىڭداپ, قالپىنا كەلتىرۋ جۇمىستارىنا بارىنشا كومەك كورسەتىلەتىنىن اتاپ ءوتتى.
ودان ءارى اناس باققوجاەۆ "اۋىل" پارتياسىنا مۇشە 29 ادام جۇمىس ىستەيتىن "ماحامبەت ورمان جانە جانۋارلار دۇنيەسىن قورعاۋ مەكەمەسى" كمم-دە بولىپ, ۇجىم قىزمەتكەرلەرىمەن كەزدەسىپ, قازىرگى تىنىس-تىرشىلىگىن ءبىلىپ قايتتى.
كەزدەسۋ اياسىندا دەپۋتات "اۋىل" پارتياسىنىڭ اتىراۋ وبلىستىق فيليالىنىڭ باستاماسىمەن وسى مەكەمەدە قۇرىلعان باستاۋىش ۇيىمنىڭ جينالىسىنا قاتىستى.
– پرەزيدەنتتىڭ باستاماسىمەن ورمان شارۋاشىلىعى قىزمەتكەرلەرىنىڭ جالاقىسى ءوستى. باسقا ماسەلەلەردى شەشۋگە دە قارجى قاراستىرىلدى. جۇمىستارىڭىز ءوز دەڭگەيىندە باعالانىپ, بارلىق قاجەتتى تەحنيكامەن, ءورت ءسوندىرۋ دەپوسىمەن قامتاماسىز ەتىلدى. ەندى سىزدەردەن ساپالى جۇمىس كۇتەمىز, - دەدى دەپۋتات.
