قاتىسۋشىلار قاتارىندا جاستار قوزعالىسىنىڭ كوشباسشىلارى, مەملەكەتتىك قۇرىلىمداردىڭ وكىلدەرى, ەكى مەملەكەتتىڭ كاسىپكەرلەرى بار. قازاقستان دەلەگاتسياسىن مادەنيەت جانە اقپارات مينيسترلىگى جاستار جانە وتباسى ىستەرى كوميتەتىنىڭ توراعاسى قايرات قامباروۆ باستاپ باردى.
«قازاقستان مەن تاجىكستاندى عاسىرلار بويعى تاريح, مادەني جانە ەكونوميكالىق قاتىناستار بايلانىستىرادى. دەگەنمەن ەلىمىزدىڭ بولاشاعى كوپ جاعدايدا جاستاردى قالاي قولداپ, دامىتۋىمىزعا بايلانىستى بولاتىنى بەلگىلى. وڭىرىمىزدەگى وزگەرىستەردىڭ, جاڭاشىلدىقتىڭ, ىلگەرىلەۋدىڭ قوزعاۋشى كۇشى – ءدال وسى وسكەلەڭ ۇرپاق», دەپ اتاپ ءوتتى ق.قامباروۆ.
كەزدەسۋدىڭ نەگىزگى ماقساتى – ەكى ەلدىڭ جاستار ۇيىمدارى اراسىنداعى ءوزارا ءىس-قيمىلدى دامىتۋ جانە جاستاردىڭ وزەكتى ماسەلەلەرىن شەشۋ ءۇشىن بىرلەسكەن ستراتەگيالاردى ازىرلەۋ. اتاپ ايتقاندا, فورۋمدا ۆولونتەرلىك قوزعالىسىن, جاستار كاسىپكەرلىگىن دامىتۋ جانە ستارتاپتاردى قولداۋ تەتىگى تالقىلانىپ جاتىر.
فورۋم قورىتىندىسى بويىنشا تاراپتار ىنتىماقتاستىق تۋرالى قارارعا قول قويىلادى دەپ جوسپارلانىپ وتىر.
