فوتو: abai.kz
ءىس-شاراعا پرەزيدەنت اكىمشىلىگى, مادەنيەت جانە اقپارات مينيسترلىگى, ەۋروپا كەڭەسى, ەۋروپالىق جاستار كارتوچكالىق قاۋىمداستىعىنىڭ وكىلدەرى, سونداي-اق رەسپۋبليكالىق جاستار ۇيىمدارىنىڭ مۇشەلەرى قاتىستى.
كەزدەسۋ بارىسىندا قازاقستاننىڭ ازاماتتىق سەكتورى مەن ەۋروپا كەڭەسىنىڭ جاستار ساياساتى سالاسىنداعى بىرلەسكەن جوبالارى تالقىلاندى. اتاپ ايتقاندا, بىرقاتار وتاندىق عوب ەۋروپالىق جاستار كارتاسى قاۋىمداستىعىمەن بەلسەندى ىنتىماقتاستىققا دايىن ەكەندىگى ءسوز بولدى. بۇل سەرىكتەستىك جاستارىنىڭ ءجۇرىپ-تۇرۋىنا, ورنالاسۋعا, مادەنيەت نىساندارىنا بارۋعا, تىلدىك كۋرستاردى, تاۋارلار مەن قىزمەتتەردى پايدالانۋ كەزىندە اقپارات الۋعا, شەگەرىمدەر مەن جەڭىلدىكتەر الۋعا مۇمكىندىك بەرەدى.
بۇدان باسقا, وتاندىق جانە ەۋروپالىق جاستاردىڭ P2P وقىتۋ, ياعني ءوزارا وقىتۋ فورماتىنداعى ءىس-قيمىلى جوسپارلانىپ جاتىر. كەلەشەكتە مۇنداي ارىپتەستىك جاستاردىڭ باستامالارىن دامىتۋعا, الەۋمەتتىك سالانى جاقسارتۋعا, تۇراقتى دامۋدى قولداۋعا ىقپال ەتەدى.
سونىمەن قاتار حالىقارالىق جاستار كۇنىنە ارنالعان كەزدەسۋدە مادەنيەت جانە اقپارات مينيسترلىگى جاستار ۇيىمدارىنىڭ ەڭ بەلسەندى وكىلدەرىن ماراپاتتادى.
