سوتتىڭ انىقتاۋى بويىنشا, ايىپتالۋشى و. تانىسى ارقىلى پاتەرلەردىڭ نارىقتىق باعادان تومەن ساتىلىپ جاتقاندىعى تۋرالى اقپارات تاراتقان. ول جابىرلەنۋشىلەرگە پاتەرلەرگە تىيىم سالۋدى الىپ تاستاۋ تۋرالى جالعان سوت شەشىمدەرىن, زاڭدى كۇشى جوق قۇجاتتاردى, كەپىلدىك حاتتار مەن ساتىپ-الۋ-ساتۋ شارتتارىن كورسەتكەن.
سوتتا و. ءوز كىناسىن تولىق مويىنداپ, جابىرلەنۋشىلەرگە كەلتىرىلگەن زالالدى وتەۋگە ۋادە بەرىپ, باس بوستاندىعىنان ايىرماۋدى سۇرادى. جابىرلەنۋشىلەر دە سوتتالۋشىعا باس بوستاندىعىنان ايىرۋ جازاسىن تاعايىنداماۋدى ءوتىندى.
«سوتتالۋشىنىڭ 4 جاس بالاسى بار ەكەنىن جانە وكىنۋىن ەسكەرە وتىرىپ, سوت وعان 6 جىل مەرزىمگە باس بوستاندىعىنان ايىرۋ جازاسىن تاعايىندادى. سونىمەن قاتار, جابىرلەنۋشىلەردىڭ جالپى سوماسى 291 ميلليون تەڭگەنى قۇرايتىن ازاماتتىق تالابى قاناعاتتاندىرىلدى. زالالدى وتەۋ ءۇشىن سوتتالعان ازاماتشاعا تيەسىلى اۆتوكولىك, جەر ۋچاسكەسى جانە بانكتىك ەسەپ شوتتارى تاركىلەندى», - دەلىنگەن حابارلامادا.
ۇكىم زاڭدى كۇشىنە ەنگەن جوق.
