فوتو: stan.kz
سوت تاراتقان اقپاراتقا سايكەس سوتتالۋشى كليەنتتەردىڭ بىرىنە بلەفاروپلاستيكا (ادامنىڭ قاباعىنان ارتىق تەرىنى الىپ تاستاۋ ءۇشىن جاسالاتىن وپەراتسيا) جاساۋ كەزىندە كومەكشى بولۋعا كەلىسكەن. وتادان كەيىن كليەنتتىڭ بەتى ىسىنە باستاعان, كەيىن كوسمەتولوگ كومەكشىسىنە ءدارى ەگۋدى وتىنگەن.
«مەديتسينالىق قىزمەتپەن اينالىسۋعا ليتسەنزياسى بولماسا دا, ا. ەسىمدى ازاماتشا سالون كليەنتىنە سىناما رەتىندە ليدوكاين قوسىلعان تسەفترياكسون ەككەن. مەديتسينالىق پروتسەدۋرادان كەيىن ايەلدىڭ جاعدايى ناشارلاپ كەتكەن», دەلىنگەن سوتتىڭ حابارلاماسىندا.
زارداپ شەككەن ايەل دەرەۋ مەديتسينالىق ورتالىققا جەتكىزىلدى. دەگەنمەن ونى قۇتقارۋ مۇمكىن بولمادى.
مەديتسينالىق قىزمەتپەن زاڭسىز اينالىسقان كوسمەتولوگتىڭ كومەكشىسى 2,5 جىلعا سوتتالدى. سونداي-اق ول 3 جىلعا مەديتسينالىق قىزمەتپەن اينالىسۋ قۇقىعىنان ايىرىلدى. سوت ۇكىمى ءالى كۇشىنە ەنبەدى.
