فوتو: gov.kz
ۆەدومستۆونىڭ مالىمەتىنشە, 2024 جىلدىڭ العاشقى التى ايىندا قازاقستاندا پنەۆمونيانىڭ 49 704 جاعدايى تىركەلگەن, بۇل وتكەن جىلدىڭ سايكەس كەزەڭىمەن سالىستىرعاندا 19,2 پايىزعا ارتىق. سالىستىرمالى تۇردە 2023 جىلى پنەۆمونيانىڭ 123 910 جاعدايى تىركەلسە, ونىڭ 40 144 جاعدايى العاشقى التى ايدا بولعان.
كوروناۆيرۋستىڭ مۋتاتسياسىنا قاتىستى دەنساۋلىق ساقتاۋ مينيسترلىگى قازىرگى ۋاقىتتا ەلدە, سونداي-اق بۇكىل الەمدە وميكرون JN.1 شتامم نۇسقاسىنىڭ اينالىمى باسىم ەكەنىن اتاپ ءوتتى. قازاقستانداعى گەنەتيكالىق زەرتتەۋلەردىڭ سوڭعى مالىمەتتەرى كەلەسى نۇسقالاردىڭ بار ەكەنىن راستايدى: JN.1.13 - 61 پايىز; JN.1.18 - 22 پايىز جانە JN.1 - 8,7 پايىز.
«دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا, JN.1 شتاممى حالىقتىڭ دەنساۋلىعىنا جوعارى قاۋىپ توندىرمەيدى جانە ونىڭ جوعارى جۇقپالىلىعىنا قاراماستان, بۇل شتامم اسا اۋىر اۋرۋ تۋعىزبايدى», دەپ ءتۇسىندىردى مينيسترلىك.
