فوتو:dw.com
ترابەن-ترارباح (رەينلاند-پفالتس) ماڭىنداعى موزەل وزەنىنىڭ بويىنداعى كريوف اۋىلىندا قوناقۇيدىڭ ءبىر بولىگى وپىرىلىپ, ەكى ادام قازا تاپقان.
تريەر پوليتسياسىنىڭ حابارلاۋىنشا, العاشقى زارداپ شەككەندەر قۇتقارىلعان. باستاپقىدا سەگىز ادام ءۇيىندى استىندا قالىپ, كەيبىرى اۋىر جاراقات العان. ولاردىڭ اراسىندا بالا دا بار ەكەنى بەلگىلى بولدى.
پوليتسيا قۇتقارۋ وپەراتسياسى وتە قيىن وتكەنىن ايتتى, ويتكەنى توزىعى جەتكەن جارتىلاي اعاش عيماراتقا ساقتىقپەن عانا كىرۋ قاجەت بولدى. سونداي-اق مارقۇمدار دا ءۇيىندى استىنان ءالى شىعارىلماعان.
وقيعا ورنىندا 250-گە جۋىق توتەنشە جاعداي قىزمەتكەرى, سونىڭ ىشىندە تەحنيكالىق كومەك كورسەتۋ قىزمەتكەرلەرى (THW), ءورت سوندىرۋشىلەر, پوليتسيا جانە جەدەل جاردەم قىزمەتكەرلەرى, سونداي-اق قۇتقارۋ يتتەرى جۇمىلدىرىلعان.
انىقتالعانداي, ءبىر كۇن بۇرىن كەشكى ۋاقىتتا بولعان قايعىلى وقيعا كەزىندە عيماراتتا 14 ادام بولعان, ولاردىڭ بەسەۋى زارداپ شەكپەگەن. ولار دەر كەزىندە عيماراتتان شىعىپ ۇلگەرگەن. عيمارات قۇلاعاننان كەيىن كورشى ۇيلەردەن 31 ادام قاۋىپسىز جەرگە كوشىرىلگەن.
قايعىلى وقيعانىڭ ناقتى سەبەپتەرى ءالى بەلگىسىز.
