سۋرەتتەردى تۇسىرگەن – ءمادي ىقىلاس
مەملەكەت باسشىسى ەلىمىزدە سۋ تاسقىنىنان زارداپ شەككەن تۇرعىندارعا ءتيىستى كومەك كورسەتىلەتىنىن مالىمدەگەن ەدى. مىنە, باتىس قازاقستان وبلىسىندا دا سۋ تاسقىنى سالدارىنان باسپاناسى جارامسىز دەپ تانىلعان جاندارعا مىڭداعان پاتەر ساتىپ الىنىپ, 775 تۇرعىن ءۇي جاڭادان سالىندى.
وتكەن اپتانىڭ سوڭعى كۇندەرى ءبورلى اۋدانىندا سۋ تاسقىنان زارداپ شەككەن ازاماتتار باسپانامەن تولىق قامتاماسىز ەتىلدى. تۇرعىنداردىڭ قۋانىشىنا ءوڭىر باسشىسى ناريمان تورەعاليەۆ ورتاقتاستى. ايتا كەتەيىك, بيىلعى تابيعي اپات كەزىندە ءبورلى اۋدانىندا بارلىعى 126 ءۇي جارامسىز دەپ تانىلعان ەدى. ءسويتىپ, تۇرعىنداردىڭ ءوز قالاۋىمەن 66 وتباسىنا پاتەر ساتىپ الىپ بەرىلسە, قالعان 60 وتباسى ءۇشىن جاڭا تۇرعىن كوتەرىلدى. ناتيجەسىندە, اقسۋ اۋلىندا – 23, كەڭتۇبەك اۋلىندا – 11, پۋگاچەۆ اۋلىندا – 12, ارالتال اۋلىندا 14 تۇرعىن ءۇي جاڭادان سالىندى. قۇرىلىس جۇمىسى بيىلعى 22 مامىردا باستالىپ, جوسپارعا سايكەس 1 تامىزعا دەيىن اياقتالدى.
– مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس سۋ تاسقىنىنان زارداپ شەككەن تۇرعىندارعا زاڭ اياسىندا ءتيىستى كومەك كورسەتتىك. بۇگىندە تۇرعىندارعا 100 اەك كولەمىندە بىرجولعى الەۋمەتتىك كومەك جانە ب ۇلىنگەن دۇنيە-م ۇلىك ءۇشىن 150 اەك كولەمىندە تولەم تولىعىمەن وتەلدى. سونىمەن قاتار سۋ تاسقىنى كەزىندە ب ۇلىنگەن ۇيلەردىڭ 90 پايىزىنان استامىنا تۇرعىن ءۇيىن جوندەۋگە جانە قالپىنا كەلتىرۋگە وتەماقى بەرىلدى. كەشە عانا ۇيىنەن ايىرىلىپ, قايعىدا قالعان تۇرعىندار بۇگىن جاڭا باسپاناعا يە بولىپ جاتىر. قازىرگى تاڭدا وبلىسىمىزدا مىڭنان اسا باسپانا ساتىپ الىنىپ, سۋ تاسقىنىنان زارداپ شەككەن وتباسىلارعا بەرىلدى. سونىمەن قاتار 775 تۇرعىن ءۇيدىڭ قۇرىلىسى قارقىندى جۇرگىزىلدى. ءبىز بۇگىن وسىنداي 60 ءۇيدىڭ حالىق يگىلىگىنە بەرىلۋ ساتىنە كۋا بولىپ وتىرمىز, – دەدى ن.تورەعاليەۆ.
ءبورلى اۋدانىنداعى قۇرىلىس جۇمىستارىنا «اقسايگازسەرۆيس» اق, «اقجايىق», «دەمەۋ» قورلارى جانە «Qazaq Stroy Almaty» جشس دەمەۋشىلىك ەتكەن. قارجىلاندىرۋدىڭ جالپى كولەمى 1,6 ملرد تەڭگەنى قۇراپتى.
– ءبىز پۋگاچەۆ اۋلىنا 2006 جىلى وتباسىمىزبەن كوشىپ كەلىپ, ءۇي سالىپ العان ەدىك. سول ءۇيىمىزدى ناۋرىز ايىنىڭ اياعىندا تاسقىن سۋ باستى. دەگەنمەن ارادا كوپ ۋاقىت وتپەي جاڭا باسپانالى بولىپ جاتىرمىز. جارىق, كەڭ, 3 بولمەلى, بارلىق جاعدايى جاسالعان باسپاناعا قول جەتكىزگەنىمىزگە وتە قۋانىشتىمىز. وسىنداي قامقورلىعى ءۇشىن مەملەكەت باسشىسىنا العىسىمدى بىلدىرەمىن, – دەيدى بۇگىن قونىستوي تويلاۋشىلاردىڭ ءبىرى اقكەنجە يماناليەۆا.
ءدال وسىنداي قۋانىش سىرىم, بايتەرەك اۋداندارىندا دا بولدى. سىرىم اۋدانىندا 14 ءۇي, بايتەرەك اۋدانىندا 6 پاتەر جوسپارلى مەرزىم ىشىندە سالىنىپ, سۋ تاسقىنىنان زارداپ شەككەن تۇرعىندارعا بەرىلدى.
– ءبىز سۋ تاسقىنىنان زارداپ شەككەندەرگە زاڭ اياسىندا جان-جاقتى قولداۋ كورسەتىپ, بىرجولعى الەۋمەتتىك كومەك, دۇنيە-م ۇلىك شىعىنى ءۇشىن تولەم جانە ب ۇلىنگەن باسپانا شىعىندارىن تولىعىمەن وتەپ وتىرمىز. كوكتەمدە سۋ اپاتىنا تاپ بولىپ, قيىندىق كورگەن حالىق بۇگىندە جاڭا باسپاناعا يە بولىپ جاتىر. تامىزدىڭ العاشقى ەكى كۇنىندە 80 ءۇيدىڭ قۇرىلىسى اياقتالىپ, تۇرعىندارعا تابىستالدى, – دەيدى وبلىس اكىمىنىڭ ورىنباسارى تىلەپبەرگەن كايۋپوۆ.
بايتەرەك اۋدانىنداعى جاڭا پاتەرلەر «Nostrum Oil and Gas» كومپانياسى مەن «قازاقستان حالقىنا» قوعامدىق قورىنىڭ دەمەۋشىلىگىمەن سالىنعان ەكەن.
– مەملەكەتتىڭ قولداۋىمەن بارلىق قيىندىق ارتتا قالدى. پرەزيدەنتىمىز قاسىم-جومارت كەمەل ۇلىنا العىسىمىزدى بىلدىرەمىز. دالادا قالمادىق. ءتورت اي ىشىندە سۋ جاڭا باسپاناعا قول جەتكىزىپ وتىرمىز, – دەيدى تۇرعىن جۇماجان جۇرىمباەۆ.
باتىس قازاقستان وبلىسى
