فوتو: olympic.kz
كەزدەسۋ پاريجدەگى 2024 جىلعى وليمپيادا ويىندارى اياسىندا ءوتتى. جيىنعا قازاقستان ۇوك باس حاتشىسى جانار ۋتەشەۆا, حوك كوميسسياسىنىڭ مۇشەسى, زيمبابۆە ۇوك پرەزيدەنتى تاباني گونە جانە حوك وكىلدەرى ايا مەداني مەن شاميل تارپيششەۆ قاتىستى.
كەزدەسۋدە Olympism365 كوميسسياسىنىڭ قىزمەتى تالقالاندى. اۋۆيتا راپيللا كوميسسيانىڭ ەڭ باستى مىندەتى رەتىندە سپورتتىڭ تۇراقتى دامۋىن اتاپ ءوتتى.
سونىمەن قاتار اۋۆيتا راپيللا گەننادي گولوۆكيندى Olympism 365 كوميسسياسىنىڭ مۇشەسى رەتىندە تاعايىندالۋىمەن قۇتتىقتاپ, وعان قازاقستان ۇوك پرەزيدەنتى قىزمەتىندە ساتتىلىك تىلەدى.
گەننادي گولوۆكين ءوز كەزەگىندە حوك پرەزيدەنتى توماس باح پەن Olympism 365 كوميسسياسىنىڭ ءتورايىمى اۋۆيتا راپيللاعا سەنىم ارتىپ, قولداۋ كورسەتكەنى ءۇشىن العىس ءبىلدىردى.
ايتا كەتەيىك, اتالعان كوميسسيا قۇرامىنداعى گەننادي گولوۆكيننىڭ العاشقى رەسمي وتىرىسى وسى جىلدىڭ قاراشاسىندا شۆەيتساريانىڭ لوزاننا قالاسىندا وتەدى.
