استانا تۇرعىندارى مەن قوناقتارى وزبەك كينەماتوگرافتارىنىڭ ەكى ءفيلمىن تەگىن كورە الادى, دەپ مالىمدەدى مادەنيەت جانە اقپارات مينيسترلىگى.
ءبىرىنشى فيلم – 2023 جىلى رەجيسسەر م.ەركينوۆ تۇسىرگەن «ابدۋللا وريپوۆ: تاۋەلسىزدىك ءانشىسى» كينوسى. تۋىندى وزبەكستان مەملەكەتتىك ءانۇرانى ءماتىنىنىڭ اۆتورى, كورنەكتى اقىنى ابدۋللا وريپوۆتىڭ ءومىرى مەن شىعارماشىلىعى تۋرالى باياندايدى. كورەرمەن اقىننىڭ بالالىق جانە جاستىق شاعىنا ساياحاتتاپ, ونىڭ وزبەك ادەبيەتى مەن مادەنيەتىنە قوسقان ەلەۋلى ۇلەسىنەن حاباردار بولا الادى, – دەپ قوستى ۆەدومستۆو.
ەكىنشى فيلم «ياشا, حوتين!» (جاسا, ايەل!) كومەدياسى وتباسىلىق قۇندىلىق تاقىرىبىن ازىلمەن اشادى. وقيعا زەينەتكە شىققاننان كەيىن ءوزىن جالعىز سەزىنەتىن ۇمىتشاق كەيىپكەر جايلى. فيلم ەرلى-زايىپتىلار, اتا-انالار مەن بالالار اراسىنداعى ءوزارا سۇيىسپەنشىلىك پەن قامقورلىقتىڭ ماڭىزىن باياندايدى.
وزبەكستان پرەزيدەنتى شاۆكات ميرزيەەۆ قازاقستاندا مەملەكەتتىك ساپارمەن 7-8 تامىزدا بولادى.
