بۇل كورمە «اتامەكەن» ونەر ورداسىنىڭ مادەني قۇندىلىقتاردى ساقتاۋ, تاجىريبە الماسۋ جانە سەرىكتەستىك جوبالارى اياسىندا ۇيىمداستىرىلعان ەكەن. ەرەكشە كورمەنىڭ اشىلۋىنا مادەنيەت سالاسىنىڭ ۇزدىگى, سۋرەتشىلەر وداعى ماڭعىستاۋ وبلىستىق فيليالىنىڭ توراعاسى باقىتجان قۇلباي ارنايى كەلدى. مەيماندى باتىس قازاقستان وبلىسى مادەنيەت, تىلدەردى دامىتۋ جانە ارحيۆ ءىسى باسقارماسى باسشىسىنىڭ ورىنباسارى مەدحات مۇسا ۇلى قارسى الىپ, وڭىرلەر اراسىنداعى شىعارماشىلىق بايلانىستى نىعايتقانى ءۇشىن العىسحات پەن ەستەلىك سىيلىق تارتۋ ەتتى.
كورمەگە ماڭعىستاۋلىق 31 سۋرەتشىنىڭ 70-تەن استام تۋىندىسى قويىلعان. باقىتجان قۇلبايدىڭ ايتۋىنشا, ماڭعىستاۋ سۋرەتشىلەرى قانىق بوياۋ ءتىلىن شەبەر مەڭگەرگەن. جۇمىستار ءتۇرلى جانردا جازىلعان. ولاردىڭ ورتاق تاقىرىبى – ادام تاعدىرى, سونىڭ ىشىندە قازاقتىڭ ءومىرى. بۇل كورمە – ۇيلەسىمدى الەمنىڭ, ءبىزدى قورشاعان ورتانىڭ, ءومىردىڭ شەكسىز ءسان-سالتاناتىنىڭ كورىنىسى, دەيدى مەيمان.
«اتامەكەن» ونەر ورداسىنىڭ ديرەكتورى باۋىرجان حاليوللا مۇنداي سۋرەتشىلەر كورمەسى بولاشاقتا دا جۇيەلى, ءداستۇرلى تۇردە ۇيىمداستىرىلاتىنىن ايتادى.
باتىس قازاقستان وبلىسى
