فوتو: istockphoto.com
ايۋلار سەرەبريانسك قالاسىنان 5 شاقىرىم جەردە زيرات ماڭىنان بايقالعان. قالا اكىمى نۇرگۇل باقىنوۆا بۇل تۋرالى شقو اڭشىلىق شارۋاشىلىعىنىڭ جەدەل ارەكەت ەتۋ وتريادىنا رەسمي حات جىبەرىپ, ورمان اڭىن ۇستاۋ جانە تۇرعىندارعا قاۋىپ توندىرمەۋ ماقساتىندا كومەك سۇراعان.
ustinka.kz جازۋىنشا كەيبىر تۇرعىندار زيراتتا ايۋ كۇشىگىمەن بەتپە-بەت ۇشىراسقان. ايۋ كۇشىگى قاۋىپتى سانالمايدى, الايدا قابىر قازۋشىلار قالىڭ ءشوپ اراسىندا ايۋدىڭ ىرىلىن ەستىگەن.
«ادامدار تابيعاتتا ازىق-ت ۇلىك قالدىقتارىن قالدىرادى. ولار سوعان كەلەدى. تاياۋدا باتىس التاي قورىعىنان كەلدىم. وندا دا سونداي جاعداي. رەسەيدە دە ادامداردى ايۋلار قاتتى الاڭداتادى. ولار كوبەيىپ كەتتى. بىراق ولاردى اتىپ تاستامايدى. ۇستاپ الىپ, ۇيىقتاتىپ, باسقا جەرگە ورنالاستىرادى. ايۋلار بارلىق جەردە جۇرەدى. بۇل ولاردىڭ اۋماعى, ولاردىڭ مەكەنى», دەيدى بيولوگيا عىلىمدارىنىڭ كانديداتى, شىعىس قازاقستان ۋنيۆەرسيتەتىنىڭ بيولوگيا كافەدراسىنىڭ پروفەسسورى كونستانتين پروكوپوۆ.
