فوتو: قر تجم
مينيسترلىكتىڭ حابارلاۋىنشا, ەلوردا تۇرعىندارى تىيىم سالىنعان جەرلەردە سۋعا ءتۇسۋدى توقتاتار ەمەس. بەلگىلەر مەن ەسكەرتۋلەردى ەلەمەگەن ازاماتتار قايعىلى وقيعالارعا ءجيى تاپ بولادى
«ەسىل وزەنىنىڭ بويىندا جۇرگىزىلگەن ءبىر كۇندىك رەيدتە تۇرعىندارمەن اڭگىمەلەسۋ جۇرگىزىلىپ, سۋداعى قاۋىپسىزدىك ەرەجەلەرىن ساقتاۋ بويىنشا ۇگىت-ناسيحات ماتەريالدارى تاراتىلدى. 19 ادامعا ەسكەرتۋ جاسالدى. 21 ءجاسوسپىرىم الماتى اۋدانىنىڭ پوليتسيا باسقارماسىنا جەتكىزىلىپ, ءتۇسىندىرۋ جۇمىستارى جۇرگىزىلدى. ولاردىڭ اتا-انالارىنا اكىمشىلىك حاتتاما راسىمدەلدى», دەلىنگەن حابارلامادا.
ەسكە سالا كەتەيىك, قازاقستاندا سۋعا تۇسۋگە تىيىم سالىنعان 4598 ورىن بار, 5894 ەسكەرتۋ جانە تىيىم سالۋ بەلگىلەرى ورناتىلعان. جاز مەزگىلى باستالعالى بەرى شومىلۋعا تىيىم سالىنعان جەرلەردە 39 853-تەن استام رەيد پەن پاترۋل جۇرگىزىلگەن.
