اقش-تىڭ پەنسيلۆانيا شتاتى مەن رەسەيدىڭ كارەليا رەسپۋبليكاسىندا تابىلعان وسىنداي تاستاردى تۋريستەر تاماشالاۋ ءۇشىن قولايلى جاعداي جاسالعان.
ءتىلشىمىز قۋات قيىقباي جيدەبايداعى تاستارعا قىزىعۋشىلار كوپ بولعانمەن تابان تىرەپ كورۋگە جاعداي جاسالماعانىنا نازار اۋدارادى.
ال قوڭىراۋ ءۇنى ەستىلەتىن تاستاردىڭ سىرىن اباي قۇنانباي ۇلىنىڭ جيدەبايداعى مۋزەي-ءۇيى مەڭگەرۋشىسى ايقىن اقبولاتوۆ بىلايشا بولجايدى:
«بۇل تاستار جيدەبايدان قىرىق شاقىرىم شاماسىندا جيرەنشە قىستاۋىنىڭ ماڭىندا جاتىر. جيرەنشە «اباي جولى» رومان ەپوپەياسىندا ايتىلاتىن اقىننىڭ جاقىن دوسى, جان سەرىگى بولعان ادام. ەلدى مەكەننىڭ ارعى بەتىندە تاۋ-تاستى ايماق بولعانىمەن, ءدال وسى ەكى تاستى ۇرساڭىز سىڭعىرلاعان قوڭىراۋدىڭ ءۇنىن شىعارادى. ءبىزدىڭ جوبالاۋىمىزشا, اتالعان تاستاردىڭ قۇرامىندا مەتالل كوپ بولعاندىقتان بولار دەپ ويلايمىز. باق دارىپ, كيە قونعان شىڭعىستاۋ ولكەسىنىڭ بۇل دا ءبىر شەشىلمەگەن قۇپياسى», دەدى ايقىن بەرىكبول ۇلى.
اۆتور تاستى ۇرعاندا ەستىلەتىن سىڭعىرلاعان ءۇننىڭ عىلىمي نەگىزىن «سىڭعىرلاعان تاستار سىرى» ماقالاسىندا تارقاتىپ جازعان.
