InEcoFest-2024 مەرەكەسىنىڭ باس بوتانيكالىق باقتا ۇيىمداستىرىلۋىنىڭ وزىندىك ءمانى بار. بۇل – الماتىلىقتار مەن قالا قوناقتارىنىڭ سۇيىكتى دەمالىس ورنى, اينالا مەن ادامعا قامقورلىق جاراسىمدى ۇيلەسىم تاپقان ينكليۋزيۆتى الاڭ. بوتانيكالىق عىلىم ورتالىعىندا جانعا جايلى دەمالىس ورنىن قالىپتاستىرۋعا ۇمتىلىس الەمنىڭ تۇكپىر-تۇكپىرىنەن بىرەگەي وسىمدىكتەر جيناۋدىڭ ماڭىزىنان كەم تۇسپەيدى. باققا كىرۋ مۇگەدەك ادامدارعا ارقاشان تەگىن. تازا اۋىزسۋ بۇرقاقتارى, دەمالۋعا ارنالعان ىڭعايلى ورىندىقتار, پاندۋستار مەن سانيتارلىق, سونداي-اق ءجۇرىپ-تۇرۋى قيىن ازاماتتارعا ارنالىپ جابدىقتالعان بولمەلەر ءاربىر كەلۋشىنىڭ قاجەتتىلىگى بارىنشا ەسكەرىلگەنىن كورسەتىپ تۇر. وتباسىلىق مەرەكە كەڭ كولەمدى تانىمدىق جانە ويىن-ساۋىق باعدارلاماسىن ۇسىنا وتىرىپ, ادامداردى ءبىر-بىرىنە قۇرمەتپەن قاراۋعا, تابيعاتقا جاناشىرلىق تانىتۋعا جۇمىلدىرادى.
«ادام – ەكوجۇيەنىڭ ءبىر بولىگى, قوعامنىڭ تولىققاندى قاتىسۋشىسى. ەندەشە, ءومىر ءسۇرىپ وتىرعان ورتامىزعا جاۋاپكەرشىلىكپەن قاراۋ – جوعارى مادەنيەتتىڭ بەلگىسى. ەرەكشە قاجەتتىلىگى بار جانداردى بىرىكتىرۋگە, زاماناۋي داعدىلارعا ۇيرەتۋگە, ءوز الەۋەتىن تولىق اشۋعا شابىتتاندىرۋ ارقىلى تەڭ مۇمكىندىكتەر تۋعىزۋعا كومەكتەسەتىن قوعام قۇرۋ ماڭىزدى», دەپ اتاپ ءوتتى «IteachMe» قوعامدىق قورىنىڭ ديرەكتورى زاحيرا بەگاليەۆا.
فەستيۆالدىڭ سەرىكتەسى «شەۆرون» كومپانياسى 1993 جىلى ىنتىماقتاستىق ورناعان ساتتەن باستاپ ەلىمىزدىڭ مۇناي-گاز سالاسىن دامىتۋعا ۇلەس قوسۋمەن قاتار, الەۋمەتتىك جوبالاردى دا جان-جاقتى قولداۋعا باسىمدىق بەرىپ كەلەدى. سودان بەرى كومپانيا ءبىلىم بەرۋدى, دەنساۋلىق ساقتاۋدى جاقسارتۋعا جانە جاڭا جۇمىس ورىندارىن قۇرۋعا ارنالعان 400-دەن اسا جوباعا شامامەن 500 ملن دوللار ينۆەستيتسيالادى. كومپانيانىڭ ەۋرازيالىق بولىمشەسىنىڭ كەلىسسوزدەر جانە جوبالار جونىندەگى باس مەنەدجەرى گۇلزيرا وتەتىلەۋوۆا حالىقتىڭ ءومىر ءسۇرۋ ساپاسىن جاقسارتۋ مەن قورشاعان ورتانى قورعاۋعا باعىتتالعان جوبالاردى قولداۋ جالعاسا بەرەتىنىن جەتكىزدى.
قاتىسۋشىلار ءوز ءبىلىم-تاجىريبەلەرىمەن ءبولىسىپ, وسىمدىكتەردى دۇرىس وتىرعىزۋ, سۋرەت سالۋ, قالدىقتاردى بولەك جيناۋ, روبوتتەحنيكا جانە فلوريستيكا بويىنشا شەبەرلىك ساباقتارىن وتكىزدى. «Tabigat Labs» جوبالار كواليتسياسى ەكولوگيا ماسەلەلەرىنە ۋربانيستيكا, ادەبيەت جانە ءبىلىم بەرۋ ويىندارى ارقىلى ءۇڭىلۋدى ۇسىندى. «Recycle Birge» ساراپشىلارى جاندار ءجانابىل مەن مادينا رۇستەموۆا قالدىقتاردى تۇراقتى تۇتىنۋ مەن قايتا وڭدەۋ قاجەتتىلىگىنە دەن قويدى. «Inclusive People» جوباسىنىڭ نەگىزىن قالاۋشى جانە ەلىمىزدەگى العاشقى كيبەر-مودەل ايمان مولدابەكوۆا ينكليۋزيۆتى سانگە دەگەن كوزقاراسىمەن ءبولىستى. جوبا مودەلدەرىنىڭ مۇمكىندىكتىڭ ارتۇرلىلىگى مەن تەڭدىگىن كورسەتەتىن ينكليۋزيۆتى ءسان شوۋى فەستيۆال قاعيدالارىنىڭ ايقىن دالەلى بولدى. ايگەرىم ءىزباساروۆا مەن نيۋرگۋيان اداموۆا «ماما پرو» الەۋمەتتىك ءالسىز توپتاعى ايەلدەردى قولداۋ جانە دامىتۋ قورىنان ەرەكشە قاجەتتىلىكتەرى بار بالالاردىڭ وتباسىلارىنا مەيىرىمدىلىك ساباقتارى مەن پسيحولوگيالىق قولداۋ كورسەتىپ, ينكليۋزيۆتى قوعام شەڭبەرىندەگى پسيحولوگيالىق ءال-اۋقاتقا نازار اۋدارۋدىڭ ماڭىزدىلىعىن اتاپ ءوتتى. «بولات وتەمۇراتوۆ قورى رەسۋرستىق ورتالىعىنىڭ» ترەنەرلەرى يۋري چۋۆاشەۆ پەن جاننا ۇمبەتوۆا بارلىق ازامات ءۇشىن قوعامدىق ورىنداردا اۋتيزم سپەكترى بۇزىلعان ادامدارمەن ءوزارا ءىس-قيمىلدىڭ ماڭىزىن تالقىلادى. «لەرۋا مەرلەن» كومپانياسى «جاسىل» سۆوپ, ونەر نىساندارىن جاساۋ ءۇشىن پلاستيكالىق قاقپاقتاردى جيناۋدىڭ, فلوراريۋمدار مەن استاۋلار جاساۋدىڭ قىر-سىرىن ۇيرەتتى.
بالالار دا, ەرەسەكتەر دە باستى بوتانيكالىق باقتىڭ ەكسكۋرسيالارىنا ەرەكشە ىنتا-ىقىلاس تانىتتى. يۋنەسكو-نىڭ قازاقستان ۇلتتىق كلۋبتار فەدەراتسياسى مەن قازاقستاننىڭ بيوالۋانتۇرلىلىگىن ساقتاۋ قاۋىمداستىعى دايىنداعان فوتو جانە ارت-كورمەلەر قوناقتاردىڭ ەرەكشە نازارىن اۋداردى. «Impact Hub Almaty» قولداۋىمەن ۇيىمداستىرىلعان كىتاپ كلۋبى مەن جارمەڭكە الاڭى كەلۋشىلەردىڭ ۇلكەن قىزىعۋشىلىعىن تۋدىردى. اۋتيستىك سپەكترى بۇزىلعان بالالار مەن ولاردىڭ اتا-انالارى قاتىسقان «اۋتيزمدى جەڭەمىز!» ورتالىعىنىڭ كونتسەرتى ادامداردى بەيجاي قالدىرمادى. الەۋمەتتىك جوبالار كورمەسى ەكولوگيا مەن ينكليۋزيانىڭ ماڭىزدى باستامالارىمەن اينالىساتىن ادامدارمەن تانىسۋعا مۇمكىندىك بەرسە, قايىرىمدىلىق جارمەڭكەسى جەرگىلىكتى وندىرۋشىلەردى قولداي وتىرىپ, ەكو-تاۋارلار مەن قولدان جاسالعان بۇيىمداردى ۇسىندى.
