- دارىگەرلەردىڭ بۇكىل كۇش-جىگەرىنە قاراماستان قاراعاندى فەرروقورىتپا زاۋىتىنىڭ تاعى ءبىر قىزمەتكەرىنەن ايىرىلدىق. 1999 جىلى تۋعان ناۋقاستىڭ دەنەسىن 90% كۇيىك شالعان. وسى ۋاقىتقا دەيىن ول وتە اۋىر جاعدايدا جانساقتاۋ بولىمىندە جاتقان. مارقۇمنىڭ جاقىن تۋىستارىنا قايعىرا كوڭىل ايتامىز, – دەپ جازدى وبلىستىڭ دەنساۋلىق ساقتاۋ باسقارماسىنىڭ ءباسپاسوز قىزمەتى.
25 جاستاعى قازكەن ەرۇلان قايىربەك ۇلى فەرروقورىتپا زاۋىتىندا تەحنولوگ بولىپ جۇمىس ىستەگەن.
ەستەرىڭىزگە سالا كەتەيىك, 20 شىلدەدە قاراعاندىدا فەرروقورىتپا زاۋىتىنىڭ پەشىندە كەنەتتەن جالىن شىقتى. تج سالدارىنان كاسىپورىننىڭ سەگىز قىزمەتكەرى زارداپ شەكتى.
ولار پروفەسسور ماقاجانوۆ اتىنداعى كوپسالالى اۋرۋحاناعا جەتكىزىلگەن.
كومپانيا قازا تاپقان قىزمەتكەردىڭ وتباسىنا ون جىلدىق جالاقىسى تولەنەتىنىن حابارلادى.
