فوتو: kapital.kz
نەگىزىنەن, شاعىن كاسىپورىندار ماركەتپلەيستى كوبىرەك پايدالانادى, ولار نارىقتىڭ 93 پايىزىن ەنشىلەپ وتىر. «Ranking» ساراپشىلارىنىڭ ايتۋىنشا, ماركەتپلەيس ەلەكتروندى ساۋدا نارىعى مەن شاعىن جانە ورتا بيزنەسكە وڭ ىقپال ەتىپ قانا قويمايدى, سونىمەن قاتار بيۋدجەتكە دە مول ءتۇسىم تۇسىرەدى.
«سالىق تۇسىمدەرى بويىنشا ءابسوليۋتتى كوشباسشى اتاعىن «Kaspi.kz» (Kaspi دۇكەن, Kaspi Travel, Kolesa) يەلەنەدى. 2023 جىلى كومپانيا ەل بيۋدجەتىنە 102,7 ملرد تەڭگە جىبەرگەن. بۇل – وتە اۋقىمدى قاراجات. اتالعان سوما ەلدەگى باسقا ءىرى ماركەتپلەيستەردىڭ سالىقتىق ءتۇسىمىنىڭ 81,5 پايىزىن قۇرايدى. جىل سايىن سوما ۇلكەن قارقىنمەن ءوسىپ كەلەدى. كەيىنگى 4 جىلدا ماركەتپلەيستەردەن تۇسەتىن سالىقتىڭ ورتاشا جىلدىق ءوسۋ قارقىنى 81 پايىزعا جەتتى», دەپ مالىمدەيدى «Ranking».
توپ-5 سالىق تولەۋشى قاتارىنا مىنا ماركەتپلەيستەر كىرەدى:
• «Wildberries.ru» (2023 جىلى قازىناعا 13,5 ملرد تەڭگە تۇسىرگەن);
• «Ozon.kz» (5,2 ملرد تەڭگە);
• «Olx.kz» (3 ملرد تەڭگە);
• «Halykmarket.kz» (996 ملن تەڭگە).
ودان كەيىنگى ورىنداردا:
• «Shop.kz» (240 ملن تەڭگە);
• «Forte.kz» (206,3 ملن تەڭگە);
• «Jmart.kz» (79,5 ملن تەڭگە) جانە باسقالار.
ساراپشىلار تالداۋ بارىسىندا «Satu.kz», «Clevermarket.kz», «Lamoda.kz», «Tomas.kz» جانە «ماركەتپلەيس.kz» جوبالارىن دا قاراستىرعان. قىتايلىق ماركەتپلەيستەر دە ەلىمىزدە بەلسەندى ساۋدا-ساتتىق جۇرگىزەدى, الايدا قازىناعا سالىق تولەمەيدى.
بىلتىر ماركەتپلەيستەر ارقىلى تەلەفون مەن گادجەتتەر (486,2 ملرد تەڭگە), تۇرمىستىق تەحنيكا (205 ملرد تەڭگە), كومپيۋتەر, نوۋتبۋك, باعدارلامالىق قامتاماسىز ەتۋ, كومپيۋتەرلىك تاۋارلار (178,4 ملرد تەڭگە), اۆتوتاۋارلار (140,5 ملرد تەڭگە) جانە قۇرىلىس پەن جوندەۋ جۇمىستارىنا ارنالعان تاۋارلار (85,7 ملرد تەڭگە) كوپ ساتىلعان.
ەڭ كوپ ساتىلاتىن ساناتتار بىلاي قالىپتاستى:
• جيھاز;
• تاماقتانۋ ونىمدەرى;
• ءۇي مەن ساياجايعا ارنالعان تاۋارلار;
• ءسان مەن دەنساۋلىققا ارنالعان تاۋارلار;
• كيىم-كەشەك;
• اياقكيىم;
• سپورتتىق تاۋارلار.
ال ماركەتپلەيس كومەگىمەن تۇتىنىلعان قىزمەتتەر قاتارىندا بيلەت ساتىپ الۋ جانە ترانسپورتتاعى ورىندى برونداۋ (495,8 ملرد تەڭگە), جولاۋشىلار تاسىمالى بويىنشا قىزمەتتەر (488,1 ملرد تەڭگە), جارناما سالاسىنداعى قىزمەتتەر (53,5 ملرد تەڭگە), تاپسىرىس بويىنشا ازىق-ت ۇلىك جەتكىزۋ قىزمەتتەرى (43,6 ملرد تەڭگە), ورنالاستىرۋ ورىندارىنىڭ قىزمەتتەرىن برونداۋ جانە تولەۋ (31,7 ملرد تەڭگە) بار.
