جازعى دەمالىس ورنىنىڭ 1961 جىلى سالىنعان ەسكى عيماراتى وسىدان ەكى جىل بۇرىن بۇكىل ورماندى شارپىعان الاپات ءورت كەزىندە جانىپ كەتكەن. ءدۇيىم ەلدى ءدۇر سىلكىندىرگەن توتەنشە جاعدايدان كەيىن ەڭ ءبىرىنشى كەزەكتە باسپاناسىز قالعان تۇرعىندار ءۇشىن جاڭا ۇيلەر سالىندى.
وتكەن جىلى وبلىس اكىمدىگىنىڭ باستاماسىن قولداعان «قازاقستان حالقىنا» قوعامدىق قورى ءورت بولعان ورمان القابىنداعى بالالار لاگەرىن قايتا قالپىنا كەلتىرۋگە قوماقتى قارجى بولگەن. سودان بەرى باس-اياعى ءبىر جىلدىڭ ىشىندە جازداي 300 وقۋشىنى قابىلداي الاتىن دەمالىس ورنى بالالارعا ەسىگىن ايقارا اشتى. جازعى لاگەردىڭ اتالعان قوعامدىق قوردىڭ قولداۋىمەن اشىلعانىن سالتاناتتى راسىمگە ارنايى كەلىپ قاتىسقان ايماق باسشىسى دا اتاپ ءوتتى.
«بۇل – اۋليەكول اۋدانىنداعى 4 مىڭعا جۋىق بالا اسىعا كۇتكەن لاگەر. الداعى ۋاقىتتا مۇندا تەك اۋدان وقۋشىلارى عانا ەمەس, وبلىستىڭ بارلىق وڭىرىنەن بالالار كەلىپ دەمالىپ, دەنساۋلىقتارىن جاقسارتاتىن بولادى. وسىنىڭ ءبارى «قازاقستان حالقىنا» قورىنىڭ قولداۋىنىڭ ارقاسىندا جاسالىپ جاتقان دۇنيە. اتالعان قور كەيىنگى 3 جىل ىشىندە وبلىستىڭ ءبىلىم بەرۋ سالاسىن دامىتۋعا 3 ملرد تەڭگەگە جۋىق قارجى بولگەنىن دە اتاپ ءوتۋ كەرەك. بۇگىن اشىلىپ وتىرعان لاگەرگە وبلىس بيۋدجەتىنەن بولىنگەن 13 ملن 400 مىڭ تەڭگە قارجىعا قاجەتتى جيھازدار مەن باسقا دا كەرەك-جاراقتار ساتىپ الىندى. سونداي-اق اباتتاندىرۋ جۇمىستارىنا 122 ملن تەڭگە ءبولىندى. ساحنا, ۆوركاۋت, سپورت الاڭدارى جانە شاعىن ساۋلەت نىساندارى ورناتىلدى», دەدى قۇمار اقساقالوۆ. «بالداۋرەن» ءبىر اۋىسىمدا 100 بالانى قابىلداي الادى. ياعني 3 اۋىسىمدا 300 وقۋشى دەمالادى. لاگەر سپورت, مۋزىكا, تۋريزم جانە ەكولوگيا سالاسىن قامتىعان ءتورت باعىتتا جۇمىس ىستەيدى. تاربيەشىلەردىڭ ايتۋىنشا, اتالعان باعىتتار بالالاردىڭ شىعارماشىلىق قابىلەتىن ۇشتاۋعا مۇمكىندىك بەرەدى.
بيىل وڭىردە 11 قالا سىرتىنداعى جازعى لاگەردە 9 مىڭنان اسا بالدىرعان ەسەيگەنشە ەستەن كەتپەس بال كۇندەرىن وتكىزىپ جاتىر.
قوستاناي وبلىسى
