فوتو: inbusiness.kz
سپورتشىلاردىڭ ءىزاشار سالتاناتتى شاراسى بۇرىنعىداي جابىق عيماراتتا وتپەيدى. بيىلعى دودانىڭ باستى ەرەكشەلىگى دە وسى يدەيا توڭىرەگىندە ءوربيدى.
«ۇيىمداستىرۋ كوميتەتى 26 شىلدەدە جۇزدەگەن قايىق مىڭداعان سپورتشى مەن ونەرپازدى سەنا وزەنى بويىمەن تاسىمالدايدى. اۋستەرليتس كوپىرىنەن باستالاتىن پاراد نوتر-دام دە پاري سوبورى ارقىلى ءوتىپ, ەيفەل مۇناراسىنا جاقىن جەردەن, كوپىرلەر مەن شليۋزدەردەن, سونىڭ ىشىندە پون دە ارت پەن پون نويفتىڭ استىنان جانە فرانتسيا استاناسىنىڭ كوپتەگەن كورنەكتى ورنىنىڭ جانىنان وتەتىنىن مالىمدەدى».
ايرىقشا شوۋ 12 بولىمنەن تۇرادى. پارادقا سپورتشىلارمەن بىرگە ونەر ادامدارى دا قاتىسادى. سالتاناتتى ءىس-شارا جەرگىلىكتى ۋاقىتپەن 19.30-دا باستالىپ, شامامەن ءتورت ساعاتقا سوزىلادى دەپ جوسپارلانعان. ال قاۋىپسىزدىكتى قامتاماسىز ەتۋگە 45 مىڭعا جۋىق پوليتسيا جۇمىلدىرىلماق.
دەسە دە قازاقستان قۇراماسىنىڭ مۇشەلەرى اشىلۋ سالتاناتىنا تۇگەل قاتىسپايدى. ونىڭ سەبەبىن ءتىلشىمىز الماس ماناپ پاريج تورىنەن قانداي سىي بۇيىرادى ماقالاسىندا تارقاتىپ جازدى.
بۇعان دەيىن وليمپياداعا سپورتشىلاردى رەسمي شىعارىپ سالۋ ءراسىمى وتكەنىن حابارلاعان ەدىك.
