فوتو: ۆەدومستۆو. تەلەگرام
سۋ رەسۋرستارى جانە يرريگاتسيا مينيسترلىگىنىڭ مالىمەتىنشە, ۆەدومستۆو باسشىسى نۇرجان نۇرجىگىتوۆ جاپونيانىڭ قازاقستانداعى ەلشىسى دجۋن يامادامەن جانە جاپونيا حالىقارالىق ىنتىماقتاستىق اگەنتتىگىنىڭ (JICA) وكىلدەرىمەن كەزدەسۋ بارىسىندا اتالعان ىنتىماقتاستىق ماسەلەلەرىن تالقىلادى.
اگەنتتىك ماماندارى بيىلعى سۋ تاسقىنى كەزىندە وتە ۇلكەن كولەمدە سۋ قابىلداعان گيدروتەحنيكالىق قۇرىلىستاردى تەكسەرەدى. بۇگىندە قوستاناي, اقمولا, اقتوبە, اباي وبلىستارى نىساندارىنا الدىن الا ۆيزۋالدى تەكسەرىس ءوتتى.
«جاپوندىق ارىپتەستەرىمىزگە كومەكتەرى ءۇشىن العىس ايتقىم كەلەدى. تاسقىن كەزىندە ءبىزدىڭ گيدروتەحنيكالىق نىساندار ءتۇرلى اپاتتاردىڭ الدىن الىپ, ۇلكەن كولەمدە سۋعا توتەپ بەردى. بولاشاقتا بۇل نىسانداردىڭ تۇراقتى جۇمىسىن قامتاماسىز ەتۋ ءۇشىن ولاردىڭ جاي-جاپسارىن مۇقيات زەردەلەپ, ىقتيمال وسالدىقتاردى انىقتاپ, ولاردى جويۋ جونىندە الدىن الا ءىس-شارالار قابىلداۋ قاجەت», دەدى مينيستر نۇرجان نۇرجىگىتوۆ.
سونداي-اق تاراپتار سۋ جىبەرۋ دەڭگەيى مەن كولەمىن انىقتاۋ ءۇشىن ەسەپتەگىش قوندىرعىلاردى ورناتۋ تۋرالى ويلارىن ورتاعا سالدى.
