ءىس-شارا كەڭەس وداعىنىڭ باتىرى, حالىق قاھارمانى, تاۋەلسىز قازاقستاننىڭ تۇڭعىش قورعانىس ءمينيسترى, ارميا گەنەرالى ساعادات نۇرماعامبەتوۆتىڭ تۋعانىنا 100 جىل تولۋىنا ورايلاستىرىلدى. جيىننىڭ اشىلۋ سالتاناتىنا قاۋىپسىزدىك كەڭەسىنىڭ حاتشىسى عيزات نۇرداۋلەتوۆ, قورعانىس ءمينيسترى رۋسلان جاقسىلىقوۆ, ۇلتتىق ۇلاننىڭ «وڭتۇستىك» وڭىرلىك قولباسشىلىعىنىڭ قولباسشىسى تالاپكەر امىرەەۆ جانە ونىڭ تاربيە جانە الەۋمەتتىك-قۇقىقتىق جۇمىستار جونىندەگى ورىنباسارى, پولكوۆنيك نيازتاي الكەشەۆ, حالىق باتىرىنىڭ قىزى ايسۇلۋ نۇرماعامبەتوۆا, شەتەلدىك قوناقتار, ەلىمىزدىڭ اسكەري-پاتريوتتىق كلۋبتارى مەن وقۋ ورىندارىنىڭ تاربيەلەنۋشىلەرى قاتىستى. مەملەكەت باسشىسى قاسىم-جومارت توقاەۆتىڭ قازاقستاننىڭ جاس پاتريوتتارىنا جولداۋىن قاۋىپسىزدىك كەڭەسىنىڭ حاتشىسى عيزات نۇرداۋلەتوۆ وقىپ بەردى. وندا جيىننىڭ اسكەري قىزمەتتەگى ءتارتىپ پەن جاۋاپكەرشىلىك, ءوزارا كومەك پەن ۇيىمشىلدىق جوعارى ناتيجەلەرگە قول جەتكىزۋ مۇمكىندىگىنىڭ كەپىلى ەكەنى ايتىلعان.
جاس جاۋىنگەرلەردىڭ الدىندا ءسوز العان تالاپكەر امىرەەۆ: «ەلدىڭ دامۋى مەن گۇلدەنۋى, ونىڭ كەلەشەگى جاس ۇرپاققا تىكەلەي بايلانىستى. بولاشاق ەل ساربازدارىن جاستايىنان جاۋىنگەرلىككە باۋلۋ, ولاردىڭ بويىنا وتانشىلدىق ەرلىك رۋحتى قالىپتاستىرۋ – ورتاق پارىزىمىز. مەملەكەت باسشىسى بىلتىر بۇكىل ارميالىق كەڭەستە «جاس ساربازدى» ۇلتتىق دەڭگەيگە كوتەرۋ كەرەك ەكەنىن ايتتى. وسىنداي ءىس-شارا كوپ بولسا, بولاشاقتا پاتريوت جاستاردىڭ دا قاتارى كوبەيەرىنە سەنىمدىمىن», دەدى.
ء«الي» وقۋ-جاتتىعۋ ورتالىعىندا وتكەن جيىننىڭ العاشقى كۇنىندە ۇلتتىق ۇلاننىڭ 6654 اسكەري ءبولىمىنىڭ قاراماعىنداعى «جاس بۇركىت» اسكەري-پاتريوتتىق كلۋبى ەكى اتالىم بويىنشا جەڭىمپاز اتاندى. اۆتوماتتى تولىق بولشەكتەۋ مەن جيناقتاۋ, سونداي-اق اسىق اتۋ ويىندارىندا قاراكەمەر كەنتىنىڭ م.لومونوسوۆ اتىنداعى مەكتەبىنىڭ پاتريوتتىق سىنىبى ۇزدىك دەپ تانىلىپ, ءى ورىندى يەلەندى. ۇلتتىق ۇلان باستاماسىمەن قۇرىلعان «جاس بۇركىت» كلۋبىنىڭ اسكەري-پاتريوتتىق سىنىپتارى ەلىمىزدىڭ بارلىق وڭىرىندەگى اسكەري بولىمدەرمەن بىرلەسىپ, جاستار ساياساتى, ۇلتتىق يدەولوگيا باعىتىندا جەمىستى ەڭبەك ەتىپ جاتقانى قۋانتادى.
