جيىننىڭ نەگىزگى ماقساتى – كاسىبي-لاۋازىمدىق دايارلىق دەڭگەيىن ارتتىرۋ, سونداي-اق ىشكى ىستەر مينيسترلىگىنىڭ قۇقىقتىق اكتىلەرىنىڭ تالاپتارى تۋرالى بىرىڭعاي تۇسىنىك قالىپتاستىرۋ. ساباق كەستەسىنە سايكەس جيىنداردى وتكىزۋ باعدارلاماسىندا دەمونستراتسيالىق, نۇسقاۋشى-ادىستەمەلىك جانە پراكتيكالىق ساباقتار وتكىزۋ كوزدەلگەن. سونداي-اق وفيتسەرلەرگە اسكەردىڭ قىزمەتتىك-جاۋىنگەرلىك ءىس-ارەكەتىنىڭ نەگىزگى باسىمدىقتارىن ايقىندايتىن باسشىلىق قۇجاتتار مەن ديرەكتيۆالاردىڭ ەرەجەلەرى تۇسىندىرىلەدى.
ساباقتىڭ نەگىزگى بولىگى ەلوردالىق بريگادا بازاسىندا, سونداي-اق ۇلتتىق ۇلاننىڭ «قاپتاعاي» بىرىككەن وقۋ ورتالىعىندا جانە مەملەكەتتىك كۇزەت قىزمەتىنىڭ «مايلان» وقۋ پوليگونىندا وتەدى. جيىننىڭ ءبىرىنشى كۇنى وفيتسەرلەرمەن تىكۇشاق الاڭدارىن جابدىقتاۋ ءتارتىبى بويىنشا كەشەندى ساباقتار, تەگىس ۇڭعىلى مىلتىقتارمەن اتۋ جانە گراناتا لاقتىرۋ, جيىنتىق تاكتيكالىق توپتاردىڭ جاۋىنگەرلىك ءتارتىبىن كورسەتۋ, سونداي-اق «داعدارىس جاعدايىندا اقپاراتتىق كەڭىستىكتەگى قاۋىپ-قاتەرلەرگە قارسى ءىس-قيمىل» تاقىرىبىندا مەملەكەتتىك-قۇقىقتىق دايىندىق بويىنشا ءدارىس وتكىزىلدى.
جيىن جەتەكشىسى, جاۋىنگەرلىك دايارلىق باس باسقارماسىنىڭ باستىعى نۇرلان مۇحامەدوۆتىڭ ايتۋىنشا, جيىن مىندەتى لاۋازىمدى تۇلعالاردىڭ كاسىبي دەڭگەيىن ارتتىرۋدا بىرىڭعاي ءتاسىلدى ازىرلەۋ, وزىق تاجىريبەمەن الماسۋ, كومانديرلەردىڭ اتىس, دەنە شىنىقتىرۋ جانە ادىستەمەلىك دايارلىعىن تەكسەرۋگە باعىتتالعان.
– وسىنداي ساباقتاردىڭ ارقاسىندا وفيتسەرلەر وزدەرىنىڭ فۋنكتسيونالدىق مىندەتتەرىن شەبەر جانە سەنىمدى ورىنداۋ ءۇشىن كاسىبي دايىندىقتى جەتىلدىرەدى. سوندىقتان جوعارعى باس قولباسشىنىڭ, ىشكى ىستەر ءمينيسترىنىڭ جانە ۇلتتىق ۇلان باس قولباسشىسىنىڭ تاپسىرماسىنا ساي جاڭا فورماتتا ۇلتتىق ۇلان جەكە قۇرامىنىڭ جاۋىنگەرلىك دايارلىق دەڭگەيىن ارتتىرۋعا باستى نازار اۋدارامىز, – دەيدى پولكوۆنيك نۇرلان مۇحامەدوۆ.
«مايلان» وقۋ پوليگونى بازاسىندا قۇقىقتىق ءتارتىپ اسكەرىندەگى قارۋ-جاراق جانە تەحنيكا تۇرلەرىنەن پراكتيكالىق اتىس نورماتيۆتەرىن پىسىقتاۋعا ارنالعان پراكتيكالىق ساباقتار وتكىزىلىپ, ۇزدىك ناتيجە كورسەتكەن وفيتسەرلەر ماراپاتتالدى.
