فوتو:masterinvest.info
ۆيتسە-ءمينيستردىڭ ايتۋىنشا, قازاقستاندا العاش رەت الەۋمەتتىك جەلىلەردە (Instagram, TikTok) زاڭسىز لوتەرەيالارعا قارسى كۇرەس جۇمىستارى ءجۇرىپ جاتىر. زاڭناماعا سايكەس لوتەرەيالاردى وتكىزۋگە ايرىقشا قۇقىق تەك لوتەرەيا وپەراتورى مەن ونىڭ اگەنتتەرىنە تيەسىلى.
زاڭسىز لوتەرەيا ۇيىمداستىرعانى ءۇشىن 400 مىڭنان 3,7 ميلليون تەڭگەگە دەيىن ايىپپۇل قاراستىرىلعان.
«بۇگىنگى تاڭدا 16 ازامات 7 ملن تەڭگە كولەمىندە ايىپپۇل تۇرىندە اكىمشىلىك جاۋاپكەرشىلىككە تارتىلدى», دەدى ميراس تولەباەۆ.
ايتا كەتەرلىگى, سوتتىڭ قاراۋىنا قۇقىق بۇزۋشىلىق تۋرالى 30 حاتتاما جولدانعان, سونداي-اق تاعى 35 فاكت بويىنشا ءتيىستى ماتەريالدار جينالىپ جاتىر.
ۆيتسە-مينيستر تولەباەۆتىڭ ايتۋىنشا, ونلاين-كازينولار مەن زاڭسىز ءباس تىگۋ سايتتارىن ۇيىمداستىرۋشىلاردى انىقتاۋ جۇمىستارى دا قارقىندى جۇرگىزىلىپ جاتىر. بۇگىنگى تاڭدا وسىنداي 15 رەسۋرستىڭ ءۇش ۇيىمداستىرۋشىسى انىقتالعان. ءىس ماتەريالدارى الماتى قالاسى ەكونوميكالىق تەرگەۋ دەپارتامەنتىنە جىبەرىلگەن.
