فوتو: ماڭعىستاۋ وبلىسى اكىمدىگىنىڭ ءباسپاسوز قىزمەتى
ۇسىنىلعان كانديداتۋرانى قالالىق ءماسليحات دەپۋتاتتارى قولداعان. ماڭعىستاۋ وبلىسى اكىمىنىڭ وكىمىمەن پرەزيدەنت اكىمشىلىگىنىڭ كەلىسىمى بويىنشا ابىلقايىر جانا ۇلى بايپاقوۆ اقتاۋ قالاسىنىڭ اكىمى قىزمەتىنە تاعايىندالدى.
ابىلقايىر بايپاقوۆ 1978 جىلى ماڭعىستاۋ وبلىسى شەتپە اۋىلىندا دۇنيەگە كەلگەن. ول ش.ەسەنوۆ اتىنداعى اقتاۋ ۋنيۆەرسيتەتىن, حالىقارالىق ەڭبەك اكادەمياسىن «تاريح جانە قۇقىق», «مەملەكەتتىك جانە جەرگىلىكتى باسقارۋ» ماماندىقتارى بويىنشا بىتىرگەن.
ەڭبەك جولىن 1999 جىلى ش.ەسەنوۆ اتىنداعى اقتاۋ ۋنيۆەرسيتەتىنىڭ تاريح جانە فيلوسوفيا كافەدراسىنىڭ وقىتۋشىسى بولىپ باستاعان.
2023 جىلدان بۇگىنگى كۇنگە دەيىن ماڭعىستاۋ وبلىسىنىڭ مادەنيەت, تىلدەردى دامىتۋ جانە مۇراعات ىستەرى باسقارماسىنىڭ باسشىسى قىزمەتىن اتقارعان.
بۇعان دەيىن بۇل قىزمەتتى اتقارعان ۇلىقبەك تناليەۆ قىزمەتىنەن ءوز ەركىمەن كەتكەن ەدى.
