فوتو: redtram.com
«بوكسشى سۋسىزدانۋ سالدارىنان اۋرۋحاناعا جاتقىزىلدى. بۇل جاعداي WBO جانە IBF Unified-ءتىڭ جوسپارلانعان ءتۋرنيرىن كەيىنگە قالدىرۋعا ءماجبۇر ەتتى. جانىبەكتىڭ كومانداسى الداعى 10 كۇن ىشىندە ونىڭ جاعدايى تۋرالى ەگجەي-تەگجەيلى مەديتسينالىق تۇسىنىكتەمە بەرۋى ءتيىس, ونىڭ ىشىندە, مەديتسينالىق قورىتىندىلار, ساۋىعۋ بولجامى جانە سپورتشىنىڭ فيزيكالىق جانە دەنساۋلىق جاعدايى قاشان قالىپقا كەلەتىنى تۋرالى دارىگەردىڭ پىكىرى بولۋى كەرەك. بۇيرىق ورىندالماسا ءالىمحان ۇلى كەلىسىم بويىنشا بارلىق قۇقىقتارىنان شەتتەتىلىپ, چەمپيوندىق بەلبەۋ قۇقىعىنان باس تارتۋعا ءماجبۇر بولۋى مۇمكىن», دەلىنگەن حاتتا.
بوكس ۇيىمىنىڭ تالابىنا جانىبەك ءالىمحان ۇلىنىڭ مەنەدجەرى, WBO جانە IBF تۇجىرىمدارى بويىنشا الەم چەمپيونى ەگيس كليماس جاۋاپ بەردى. ول WBO سۇراتقان قۇجاتتار دەر شاعىندا ۇسىنىلادى دەپ سەندىردى.
«بىزدە اتالعان قۇجاتتارمەن ەشقانداي ماسەلە تۋىندامايدى. ول سالماق تاستاۋ كەزىندە ەسىنەن تانىپ قالعان العاشقى بوكسشى ەمەس. ءبىز جەكپە-جەكتى باسقا ۋاقىتقا اۋىستىرامىز. وسى جەكپە-جەك ءۇشىن الىس جول ءجۇرىپ كەلگەن ميحايلوۆيچكە وكىنىشىمدى بىلدىرەمىن», دەدى ەگيس كليماس.
ءساتسىز وقيعادان كەيىن جانىبەك ءالىمحان ۇلىنىڭ دەنساۋلىعى قالاي ەكەنى بەلگىلى بولدى.
بۇعان دەيىن جاڭازەلانديالىق بوكسشى جانىبەك ءالىمحان ۇلىنىڭ بۇل جاعدايىن «عاسىر وقيعاسىنا» تەڭەگەن ەدى.
