كوكتەمگى الاپات تابيعات اپاتىنىڭ زاردابىن جويۋ ماسەلەسى مەملەكەت باسشىسىنىڭ تىكەلەي نازارىندا. ۇكىمەت باسشىسىنىڭ تاپسىرماسىنا سايكەس قارجىلىق ۇيىمدار مەن دەمەۋشىلەر وڭىردەگى زارداپ شەككەن تۇرعىندارعا قولۇشىن سوزىپ, كومەك بەرىپ جاتىر.
«مەملەكەت باسشىسى سۋ تاسقىنىنان زارداپ شەككەن تۇرعىندارعا ءتيىستى كومەك كورسەتۋدى تاپسىرعان بولاتىن. جالعىز باسپاناسى جارامسىز بولعان ساياجاي يەلەرىنە بۇگىن تاعى دا بىرنەشە پاتەر بەرىپ جاتىرمىز. جالپى, وسى ۋاقىتقا دەيىن 750 ساياجاي تۇرعىنى باسپاناعا يە بولدى. سونداي-اق ورالدا 374 ءۇيدىڭ قۇرىلىسى ءجۇرىپ جاتىر», دەپ اتاپ ءوتتى وبلىس اكىمى ناريمان تورەعاليەۆ.
ناريمان تورەعالي ۇلى ورال قالاسىنىڭ ورتالىعىنداعى «ومەگا» تۇرعىن ءۇي كەشەنىنەن پاتەر الىپ, باسپانالى بولىپ جاتقان تۇرعىنداردى قۇتتىقتاپ, جاڭا قونىس يەلەرىنە جاقسىلىق تىلەدى.
«كوكتەمگى تاسقىن كەزىندە ءۇيىمىزدى سۋ باستى. 3 اي كۇتتىك. بۇگىن جاڭا پاتەردىڭ كىلتىن قولىمىزعا الىپ وتىرمىز. قالانىڭ ورتالىعىندا جاڭا ۇيدە تۇرامىز دەپ كۇتكەن جوق ەدىك. وسىنداي جاعداي جاساعان مەملەكەت باسشىسىنا العىسىم شەكسىز», دەيدى «نۇرلى جول» ساياجاي ۋچاسكەسىنىڭ تۇرعىنى بولعان قايىرعالي ايتقالي. ورالدىق ساياجاي تۇرعىندارىن باسپانامەن قامتۋ ءالى جالعاسىپ جاتىر.
باتىس قازاقستان وبلىسى
