فوتو: اقوردا
قاسىم-جومارت توقاەۆ استانادا وتكەن شىۇ سامميتىنە بىرىككەن اراب امىرلىكتەرىنىڭ وكىلدى دەلەگاتسياسىنىڭ قاتىسقانى ءۇشىن العىس ايتتى.
مەملەكەت باسشىسى ەلىمىز ءباا-مەن كوپجاقتى ىنتىماقتاستىقتى دامىتۋعا ەرەكشە ءمان بەرەتىنىن اتاپ ءوتتى.
كەزدەسۋدە بۇعان دەيىن جوعارى دەڭگەيدە قول جەتكىزىلگەن ساۋدا-ەكونوميكا جانە ينۆەستيتسيا سالالارىنداعى ۋاعدالاستىقتاردى جۇزەگە اسىرۋ بارىسى تالقىلاندى. سونداي-اق قازاقستان مەن ءباا اراسىنداعى ستراتەگيالىق ينۆەستيتسيالىق جوبالار تۋرالى بىرلەسكەن دەكلاراتسيا اياسىنداعى جۇمىستاردى جالعاستىرۋ قاجەت ەكەنىنە نازار اۋدارىلدى.
سونىمەن قاتار ەنەرگەتيكا جانە كولىك-لوگيستيكا, اقپاراتتىق تەحنولوگيالار مەن جاساندى ينتەللەكت سالالارىنداعى ىنتىماقتاستىق پەرسپەكتيۆالارى قاراستىرىلدى.
