فوتو:wikipedia.org
ەر ادامنىڭ ءمايىتىن جەرگىلىكتى بالىقشىلاردىڭ ءبىرى تاۋىپ, پوليتسياعا حابارلاعان.
«11 شىلدەدە فەدوروۆسكي سۋ قويماسىنىڭ اۋماعىنان زورلىق-زومبىلىق بەلگىلەرى جوق 50-55 جاستاعى ەر ادامنىڭ ءمايىتى تابىلدى. فاكتى بويىنشا ءتيىستى ساراپتامالار تاعايىندالدى. ونىڭ قورىتىندىسى بويىنشا پروتسەسسۋالدىق شەشىم قابىلدانادى», دەپ حابارلادى قاراعاندى وبلىسىنىڭ پوليتسيا دەپارتامەنتىنىڭ ءباسپاسوز قىزمەتى.
قاراعاندىلىق ەرىكتىلەر پوليتسەيلەرمەن بىرگە مارقۇمنىڭ تۋىستارىن ىزدەستىرىپ جاتىر. ەر ادام زاۋىت جانىنداعى سۋ قويماسى اۋماعىنان تابىلعانى حابارلاندى.
«بۇل ادام تۋرالى قانداي دا ءبىر مالىمەت بىلەتىندەردەن +7 778 872 05 13, + 7 708 352 64 60 نەمەسە 102 تەلەفوندارىنا حابارلاسۋىن سۇرايمىز», دەپ حابارلادى قاراعاندىلىق ەرىكتىلەر.
