ەل ازاماتتارى ازىق-ت ۇلىككە قانشا اقشا جۇمسايدى

2024 جىلدىڭ ءبىرىنشى توقسانىندا ءاربىر ازامات ازىق-ت ۇلىك پەن الكوگولسىز سۋسىندارعا 131,3 مىڭ تەڭگە جۇمساعان. بۇل ءبىر جىل بۇرىنعىدان 6,7%-عا كوپ ەكەنى بەلگىلى بولدى.

«سالىستىرۋ ءۇشىن: وتكەن جىلدىڭ ءبىرىنشى توقسانىندا ازىق-ت ۇلىك پەن سۋسىنعا جۇمسالعان قاراجات جان باسىنا شاققاندا ورتا ەسەپپەن 123,1 مىڭ تەڭگەنى قۇراسا, جىلدىق ءوسىم ايتارلىقتاي 21,1%-عا جەتتى. وسىدان بەس جىل بۇرىن, ياعني 2019 جىلدىڭ ءبىرىنشى توقسانىندا ەل ازاماتتارى ازىق-ت ۇلىك پەن سۋسىندارعا جان باسىنا شاققانداعى ورتاشا ەسەپپەن نەبارى 72,3 مىڭ تەڭگە جۇمساعان – بۇل وسى جىلمەن سالىستىرعاندا 44,9%-عا از», دەپ جازدى ساراپشىلار.

انىقتالعانداي, وڭىرلەر بويىنشا ازىق-ت ۇلىك پەن سۋسىندارعا ەڭ كوپ قاراجاتتى الماتى قالاسىنىڭ تۇرعىندارى: جان باسىنا شاققاندا 181,5 مىڭ تەڭگە, شىعىس قازاقستان (152,1 مىڭ تەڭگە) جانە ماڭعىستاۋ (146,7 مىڭ تەڭگە) وبلىستارى جۇمساعان.

ال ەڭ از اقشا جاراتقان ءۇش ايماققا قىزىلوردا (جان باسىنا شاققاندا 104,6 مىڭ تەڭگە), اقتوبە (106,4 مىڭ تەڭگە) جانە تۇركىستان (110,4 مىڭ تەڭگە) وبلىستارى كىرگەن.

«قازاقستان ازاماتتارىنىڭ ازىق-ت ۇلىك پەن الكوگولسىز سۋسىندارعا جۇمساعان بارلىق شىعىندارىنىڭ ۇشتەن ءبىرى ەت ونىمدەرىنە تيەسىلى – جان باسىنا شاققاندا 43,3 مىڭ تەڭگە قۇرايدى. بۇل ءبىر جىل بۇرىنعى كورسەتكىشتەن 6,4 پايىزعا ارتىق. ءۇش ايدا ەل ازاماتتارى ورتاشا ەسەپپەن قانت, كونديتەرلىك ونىمدەر مەن تاتتىلەرگە 8,7 مىڭ تەڭگە, مايلار مەن توڭ مايلارعا - 6,7 مىڭ تەڭگە, بالىق پەن تەڭىز ونىمدەرىنە - 5,9 مىڭ تەڭگە, الكوگولسىز سۋسىندارعا - 5,8 مىڭ تەڭگە, جۇمىرتقاعا - 3,3 مىڭ تەڭگە جۇمساعان», دەپ ناقتىلادى ساراپشىلار.