فوتو: اشىق دەرەككوز
مەملەكەتتىك ساتىپ الۋلار سايتىندا بقو پروكۋراتۋراسىنان ەرەكشە تاپسىرىس پايدا بولعان. قاداعالاۋ ورگانى جوعارى وفيتسەرلەر وكىلىنە بىلعارى پلاشش تىگۋگە بۇيرىق بەرگەن. ونىڭ قۇنى 800 مىڭ تەڭگەگە باعالانعان.
وبلىستىق پروكۋراتۋرانىڭ ءباسپاسوز قىزمەتى 6 ماۋسىمدا باعا ۇسىنىستارىن سۇراۋ ارقىلى راسىمەن دە وسىنداي ساتىپ الۋ جاريالانعانىن حابارلادى. ءباسپاسوز قىزمەتى تۇسىندىرگەندەي, قىمبات كيىم «قىزمەتتىك قاجەتتىلىكتەرگە بايلانىستى» ساتىپ الىنعان.
«2024 جىلعى 13 ماۋسىمدا «كامودا» جشس-ءنىڭ ءبىر باعا ۇسىنىسىن ۇسىنۋىنا بايلانىستى مەملەكەتتىك ساتىپ الۋ وتكىزىلمەدى دەپ تانىلدى. سول كۇنى مەملەكەتتىك ساتىپ الۋ پورتالى اۆتوماتتى تۇردە «كامودا» جشس جەتكىزۋشىسىنە ەلەكتروندىق شاقىرۋ جاسادى. 2024 جىلعى 18 ماۋسىمداعى مەملەكەتتىك ساتىپ الۋ قورىتىندىسى بويىنشا, «كامودا» جشس شاقىرىلعان جەتكىزۋشىمەن «ەلەكتروندىق ساتىپ الۋ ارقىلى ءبىر كوزدەن الۋ» تاسىلىمەن مەملەكەتتىك ساتىپ الۋ تۋرالى شارت جاساسۋ شەشىمى قابىلداندى», دەلىنگەن پروكۋراتۋرا حابارلاماسىندا.
