فوتو: picture alliance / Contributor / picture alliance / Gettyimages.ru
كەزدەسۋ ميۋنحەندە ءوتىپ, 2:1 ەسەبىمەن اياقتالدى. يسپاندىقتار ساپىنان لامين يامال (21-مينۋتتا) مەن دانيەل ولمو (25-مينۋتتا) گول سوقتى. ديدە دەشام باستاعان كوماندا ساپىندا راندال كولو-مۋاني (8-مينۋتتا) گول سوقتى.
يامال ەۋروپا چەمپيوناتتارى تاريحىنداعى ەڭ جاس گول سوققان فۋتبولشى اتاندى. ول 16 جاس 362 كۇندە گول سوعىپ, شۆەيتساريالىق يوحان ۆونلانتەننىڭ (18 جاس 141 كۇن) UEFA EURO 2004-تەگى جەتىستىگىنەن باسىپ وزدى. سونداي-اق يسپاندىق جاس فۋتبولشى اڭىزعا اينالعان برازيليالىق پەلەنىڭ (17 جاس 244 كۇن) رەكوردىن جاڭارتىپ, حالىقارالىق ءتۋرنيردىڭ جارتىلاي فينالىندا ونەر كورسەتكەن ەڭ جاس ويىنشى اتاندى.
يسپاندىقتار ەۋرو فينالىندا بەسىنشى رەت ويىن الاڭىنا شىعادى. ەلدىڭ قورجىنىندا ءۇش التىن (1964, 2008, 2012) جانە ءبىر كۇمىس (1984) بار.
ايتا كەتەيىك, 10 شىلدەدە وتەتىن ەكىنشى جارتىلاي فينالدا نيدەرلاندى مەن انگليا قۇرامالارى كەزدەسەدى.
ەۋروپا چەمپيوناتى 14 شىلدەدە اياقتالادى. فينالدىق كەزدەسۋ بەرليندە وتەدى.
