فوتو: سەنات
دەپۋتات اتاپ وتكەندەي, كەيىنگى كەزدەرى قوعامعا قاتتى اسەر ەتكەن قۇمار ويىندارعا پاتولوگيالىق تاۋەلدىلىك پروبلەماسى – ادامنىڭ ومىرىنە بالتا شاباتىن كۇردەلى ماسەلە. بۇل «ىندەت» كەسىرىنەن مىڭداعان ادام ءوزىنىڭ جەر ۋچاسكەسىن, پاتەرىن, كولىگىن, بيزنەسىن جوعالتىپ, ءوز وتباسىن قاراجاتسىز قالدىرۋىنا جانە سول تۇرعىدا بانكتەرگە جانە ميكروقارجى ۇيىمدارىنا ءتوزىمسىز سومادا قارىزدار بولىپ قالدى.
«رەسمي دەرەكتەر بويىنشا قازاقستاندا 350 مىڭنان استام لۋدومان تۇرادى. بۇل ەلىمىزدىڭ ەڭبەككە قابىلەتتى حالقىنىڭ 4%-ىن قۇرايدى», دەپ جازدى و.بۋلاۆكينا.
سەناتوردىڭ پىكىرىنشە, مەكتەپ وقۋشىلارى مەن ستۋدەنتتەردىڭ جانە جاس اسكەري قىزمەتشىلەردىڭ پسيحيكاسى ءالى نىعايىپ, ءومىردىڭ قيىندىقتارىنا تۇراقتى كوزقاراسى قالىپتاسپاعاندىقتان قۇمار ويىن ولاردى تولىعىمەن سىڭىرەدى.
ەسكە سالايىق, زاڭمەن قۇمار ويىندارعا قاتىسۋدى ءوز بەتىنشە شەكتەۋدىڭ ەڭ ۇزاق مەرزىمى 1 جىلدان 10 جىلعا دەيىن ۇزارتىلدى. سونداي-اق زاڭمەن «بورىشكەرلەردىڭ بىرىڭعاي تىزىلىمىنە» ەنگىزىلگەن, سانى شامامەن 3,5 ملن ادامدى قۇرايتىن جەكە تۇلعالار ءۇشىن قۇمار ويىندار مەن ءباس تىگۋگە قاتىسۋعا قوسىمشا تىيىم سالۋ بەلگىلەنگەن. وسىلايشا, قابىلداناتىن شارالار بۋكمەكەرلىك كەڭسەلەردىڭ الەۋەتتى كليەنتتەرىنىڭ سانىن ازايتۋعا باعىتتالعان. بۇدان باسقا, اتالعان ساناتتاعىلاردى قۇمار ويىندار مەن ءباس تىگۋگە تارتۋ جانە جىبەرۋ ءۇشىن زاڭدى تۇلعالارعا اكىمشىلىك جاۋاپكەرشىلىك ەنگىزىلەدى.
