فوتو: استانا اكىمدىگى
اكىمدىكتىڭ حابارلاۋىنشا, قالا تۇرعىندارى مەن قوناقتارىنىڭ قاۋىپسىزدىگى ءۇشىن ۇلى دالا – تۇركىستان – ت.رىسقۇلوۆ – اقمەشىت كوشەلەرىنىڭ الاڭىندا قوزعالىس شەكتەلەدى.
«كورەرمەندەرگە كەپتەلىس تۋدىرماس ءۇشىن جەكە كولىكتى پايدالانباۋعا كەڭەس بەرىلەدى. ىڭعايلى بولۋ ءۇشىن ەلوردا اكىمدىگى جەكە كولىگىڭىزدى قالدىراتىن ەكى تەگىن اۆتوتۇراق ۇسىنادى. كونتسەرت وتەتىن جەرگە جەتكىزىلەتىن ارنايى اۆتوبۋستارعا (Shuttle Bus) اۋىسۋعا بولادى. ءىس-شارا سوڭىندا وسى اۆتوبۋستار بارلىق نيەت بىلدىرۋشىلەردى جيناۋ نۇكتەلەرىنە قايتارادى», دەلىنگەن اكىمدىك حابارلاماسىندا.
اۆتوكولىكتى قالدىرىپ, اۆتوبۋستارعا اۋىسۋعا بولاتىن ورىنداردىڭ مەكەنجايلارى:
- «باس مەشىت» اۆتوتۇراعى (ماڭگىلىك ەل كوشەسى, 65)
- «بارىس ارەنا» ملد تۇراعى (تۇران داڭعىلى, 57).
ەسكە سالا كەتەيىك, درون شوۋى ءۇشىن 1250 جوعارى جىلدامدىقتاعى راديو باسقارىلاتىن قۇرىلعى اسپانعا ۇشىرىلادى, ونىڭ 70-ءى پيروتەحنيكالىق دروندار. بۇل دروندار مەن پيروتەحنيكانىڭ سيمبيوزىنىڭ جاڭا تەحنولوگياسى. بارلىق ۆيزۋالدى ەففەكتىلەر قازاقستان جانە شەتەلدىك كومپوزيتورلاردىڭ مۋزىكاسىمەن سينحروندالادى. كورمە دەمەۋشىلىك قاراجات ەسەبىنەن ۇيىمداستىرىلادى.
