پەتروپاۆل. 11 ماۋسىم. جاز باستالعالى وبلىس ورتالىعىنىڭ تۇرعىندارى ىستىق سۋدان قاتتى تاپشىلىق كورۋدە. باستى شاعىناۋدانداردا اپتالاپ بولمايتىن كەزدەر كەزدەسەدى. ال, التىنسارين, ا. شاشىمباەۆ كوشەلەرىندە تۇراتىن تۇرعىندار ءبىر ايدان بەرى ىستىق سۋعا قول جەتكىزە الماي كەلەدى. بۇل تۋرالى egemen ءتىلشىسى حابارلادى.
ءبىز ىستىق سۋدىڭ نە سەبەپتى ۇزىلىسپەن بەرىلەتىنىن ءبىلۋ ماقساتىمەن قالالىق اكىمدىكپەن حابارلاسقانىمىزدا, ونداعىلار «پەتروپاۆل جىلۋ جۇيەلەرى» جشس-نە سىلتەدى. سەرىكتەستىكتىڭ باس ديرەكتورى يگور رىباستىڭ ايتۋىنشا, التىنسارين جانە شاجىمباەۆ كوشەلەرى قيىلىسىنداعى سۋ قۇبىرلارىن اۋىستىرۋ 25 مامىردا باستالىپتى. جاڭعىرتۋ جۇمىستارىنا 800 ميلليون تەڭگە قاراستىرىلىپتى.
«№ 1 جىلۋ ماگيسترالىن كۇردەلى جوندەۋدەن وتكىزبەسە بولمايدى. ويتكەنى, ونىڭ بويىنان 40 جۋىق ۇلكەندى-كىشىلى اقاۋ تابىلىپ وتىر. سوندىقتان جۇرتشىلىقتىڭ تۇسىنىستىكپەن قاراعاندارى ءجون», دەيدى ي. رىباس.
ديامەترى 1000 مم. جاڭا قۇبىرلاردى ورنالاستىرۋ كۇزگە دەيىن جالعاسادى. ول ءۇشىن 10,7 شاقىرىم جىلۋ جۇيەسىن قالپىنا كەلتىرۋ مىندەتى تۇر. ۇشتەن ءبىرى اۋىستىرىلىپتى. سول سەبەپتى 160 كوپ قاباتتى تۇرعىن ۇيگە ىستىق سۋ بەرۋ توقتاتىلعان.
جوندەۋ جۇمىستارىنا 12 بريگادا, 60-تان استام تەحنيكا تارتىلعان. جىلۋ جۇيەلەرىن دامىتۋعا بيىل 2,5 ميلليارد تەڭگە باعىتتالماق.
ءومىر ەسقالي.
دەرەك, سۋرەت: egemen.kz
