بيبىگۇل جەكسەنباي سەنات دەپۋتاتى رەتىندە اتقارىلعان جۇمىستىڭ ناتيجەلەرى جانە پالاتا ماقۇلداعان زاڭدار تۋرالى ايتىپ بەردى. ول سونداي-اق ءماسليحات دەپۋتاتتارىنىڭ وسى سالاداعى ماڭىزدى رولىنە دە توقتالدى.
كەزدەسۋ بارىسىندا ەلوردانىڭ رەسپۋبليكالىق دەڭگەيدە شەشۋدى تالاپ ەتەتىن نەگىزگى پروبلەمالىق ماسەلەلەرى تالقىلاندى. سەناتور ولاردى شەشۋ ءۇشىن بىرلەسىپ جۇمىس ىستەۋگە نيەتتى ەكەنىن جەتكىزدى.
جۇزدەسۋ بارىسىندا سونداي-اق جەدەل مەديتسينالىق كومەك جۇمىسىنداعى وزەكتى ماسەلەلەر دە كوتەرىلدى. ولاردىڭ قاتارىندا شاقىرۋ بويىنشا قىزمەت ەتەتىن اۆتوماشينالار مەن ستانسالاردىڭ جانە قىزمەتكەرلەردىڭ جەتىسپەيتىنى, جەدەل جاردەمگە شاقىرۋدىڭ كوپتىگى جانە مەديتسينالىق كومەك كورسەتۋ ءتاريفىنىڭ تومەندىگى دە بار. ءماسليحات توراعاسى ەرلان قاناليموۆ قالانىڭ ءاربىر شاعىن اۋدانىنداعى ءبىر عيماراتتا ورنالاسقان بىرىڭعاي جەدەل قىزمەت ورتالىقتارىن اشۋدى ۇسىندى.
كەزدەسۋ قورىتىندىسى بويىنشا «استانا – جاڭا قالا» ارنايى ەكونوميكالىق ايماعىنا بىرلەسىپ بارۋ, سونداي-اق م ۇلىك يەلەرى بىرلەستىكتەرىنىڭ ماسەلەلەرى بويىنشا كەزدەسۋ وتكىزۋ تۋرالى شەشىم قابىلداندى. سونىمەن قاتار استانا قالاسىنىڭ ءماسليحاتى ورتالىق دەڭگەيدە شەشىمدەردى تالاپ ەتەتىن ۇسىنىستار دايىنداۋدى قولعا الادى. بۇل ۇسىنىستاردىڭ بارلىعى سەنات دەپۋتاتى بيبىگۇل جەكسەنبايدىڭ اتىنا جىبەرىلەدى.
