فوتو: tolqyn.kz
دانيا ەسپاەۆا وتكەن سەسسيادا ءماجىلىس ايەلدەر مەن بالالاردى الەۋمەتتىك, ەكونوميكالىق جانە قۇقىقتىق قورعاۋعا باعىتتالعان بىرقاتار زاڭ قابىلداعانىن ايتتى. ەڭ نەگىزگىلەرى – تۇرمىستىق زورلىق-زومبىلىق پەن بالالارعا قارسى قىلمىسپەن كۇرەسۋگە قاتىستى تۇزەتۋلەر, كرەديت بەرۋ كەزىندەگى قاتەرلەردى ازايتۋ جانە قارىز الۋشىلاردىڭ قۇقىقتارىن قورعاۋعا باعىتتالعان تۇزەتۋلەر مەن «ۇلتتىق قور بالالارعا» زاڭى.
ءماجىلىس دەپۋتاتى جۇلدىز سۇلەيمەنوۆا ەلىمىزدە ايەلدەر قۇقىعىن قورعاۋ شارالارى تەك وسى زاڭمەن شەكتەلمەيتىنىن اتاپ ءوتتى. الداعى ۋاقىتتا ەڭبەك كودەكسىنە قۋدالاۋ ۇعىمىن ەنگىزۋ جوسپارلانىپ وتىر. جىنىستىق قۋدالاۋعا قاتىستى جاۋاپكەرشىلىك تە قاراستىرىلادى. سونداي-اق دەپۋتات اليمەنت وندىرۋگە كومەكتەسۋ شارالارى قاراستىرىلىپ جاتقانىن ايتتى.
– قازىر بىزدە ەكى شەشىم بار. ءبىرىنشىسى – اليمەنت تولەمەي جۇرگەن ازاماتتار ءۇشىن جۇمىس بەرۋشىلەردىڭ جاۋاپكەرشىلىگىن قاراستىرۋ. ەكىنشىسى – جالپى اليمەنت تولەۋ جونىندەگى مەملەكەتتىك قور قۇرۋ, – دەدى جۇلدىز سۇلەيمەنوۆا.
جيىندا اقتوبە وبلىسىندا بەلسەندى ايەلدەردىڭ ءرولى ارتىپ كەلە جاتقانى ايتىلدى. قازىرگى تاڭدا وبلىستا كومپانيالاردى باسقاراتىن ايەلدەردىڭ ۇلەسى 51,1 پايىزعا جەتكەن. جالپى, وبلىس بويىنشا كاسىپكەرلەردىڭ 56,5 پايىزى – ايەلدەر. باسشى ايەلدەردىڭ باسىم بولىگى, ياعني 70 پايىزدان استامى ءبىلىم بەرۋ سالاسىندا جۇمىس ىستەيدى. وبلىستىڭ بارلىق دەڭگەيدەگى ماسليحاتىنداعى 205 مانداتتىڭ 46-سى نەمەسە 22,8 پايىزى ايەل.
جيىنعا قاتىسۋشىلار ءبىلىم بەرۋ ۇيىمدارىنا ليتسەنزيا بەرۋ, گەندەرلىك تەڭدىكتى قولداۋ, اجىراسۋ كەزىندە م ۇلىكتى ءبولۋ, مەكتەپ وقۋشىلارى اراسىنداعى بۇزاقىلىق, بالاباقشاداعى مامان تاپشىلىعىنا قاتىستى جانە باسقا دا ماسەلەلەردى كوتەردى.
