فوتو: ratel.kz
ۇلتتىق قوردان رەسپۋبليكالىق بيۋدجەتكە ترانسفەرتتەردى قامتاماسىز ەتۋگە ماۋسىم ايىندا 420 ملن دوللارعا ۆاليۋتا ساتىلدى. ۇلتتىق قوردان ساتۋ ۇلەسى جالپى ساۋدا-ساتتىق كولەمىنىڭ 11%-ىن جانە كۇنىنە 21 ملن دوللاردان اسپايتىن مولشەردى قۇرادى. ۇلتتىق بانك ۇلتتىق قوردىڭ قاراجاتىمەن وپەراتسيالار جۇرگىزۋ كەزىندە نارىقتىڭ بەيتاراپ قاعيداتىن ساقتايدى. بۇل – شەتەل ۆاليۋتاسىن ۇدايى جانە بىركەلكى ساتۋدى بىلدىرەدى.
ۇلتتىق بانك بجزق زەينەتاقى اكتيۆتەرىنىڭ ۆاليۋتالىق ۇلەسىن 30% دەڭگەيىندە ۇستاپ تۇرۋ ءۇشىن ماۋسىمدا بيرجالىق ساۋدا-ساتتىقتا شەتەل ۆاليۋتاسىن ساتىپ الۋدى جالعاستىردى. ونىڭ جالپى سوماسى 293 ملن دوللاردى نەمەسە نارىقتىڭ جالپى كولەمىنىڭ شامامەن 8%-ىن قۇرادى. سونداي-اق باس بانك ماۋسىمدا ۆاليۋتالىق ينتەرۆەنتسيالار جۇرگىزگەن جوق.
«رەسپۋبليكالىق بيۋدجەتكە ترانسفەرت بولۋگە ۇكىمەتتىڭ الدىن الا بولجامدى وتىنىمدەرى بويىنشا 2024 جىلعى شىلدەدە ۇلتتىق بانك ۇلتتىق قوردان
450 ملن دوللاردان 550 ملن دوللارعا دەيىنگى مولشەردە ۆاليۋتا ساتىلۋىن كۇتەدى», دەلىنەدى ۇب مالىمدەمەسىندە.
