فوتو: ۆالەري بۋگاەۆ
جاڭا قونىس يەلەرىن وبلىس اكىمى اسايىن بايحانوۆ قۇتتىقتادى.
«ۇيلەرى زارداپ شەگىپ, اپاتتى دەپ تانىلعان ادامداردىڭ بۇگىن قونىس تويلارىن تويلاپ جاتقانىنا وتە قۋانىشتىمىن. ەل پرەزيدەنتى قاسىم-جومارت توقاەۆتىڭ تاپسىرماسى بويىنشا ءبىز سىزدەردىڭ اۋىلدارىڭىزداعى توتەنشە جاعدايدىڭ سالدارىن بارىنشا جويۋعا تىرىستىق. قيىن كەزەڭدەردە شىدامدىلىق تانىتقاندارىڭىز ءۇشىن بارشاڭىزعا راحمەت», دەدى ءوڭىر باسشىسى.
سونداي-اق وبلىس اكىمى دەمەۋشىلىك كورسەتكەن ERG توبى مەن «واەك» اق, سونداي-اق 3 ايدىڭ ىشىندە ساپالى ۇيلەردى سالعان جەرگىلىكتى «اقتوعاي-اگرو» جشس قۇرىلىس كومپانياسىنا العىسىن ءبىلدىردى. ۇيلەر جاڭا ءارى بيىك جەردە تۇرعىزىلدى.
«ERG قازاقستانداعى 30 جىل بويى جۇمىسىندا ءاردايىم ەلمەن بىرگە بولدى. ءوز شاڭىراعىنىڭ بولۋى كەز كەلگەن وتباسى ءۇشىن ماڭىزدى, سوندىقتان, ءبىز جاڭا باسپاناعا قونىستانعان وتانداستارىمىزدىڭ قۋانىشىن بولىسكەنىمىزگە قۋانىشتىمىز. ويتكەنى ءبىزدىڭ كومپانيانىڭ ميسسياسى – بىزگە سەنىم بىلدىرگەندەردىڭ وركەندەۋىن قامتاماسىز ەتۋ», دەپ اتاپ ءوتتى ERG ديرەكتورلار كەڭەسىنىڭ مۇشەسى شۋحرات يبراگيموۆ.
«بارلىعىڭىزعا ۇلكەن راحمەت. بىزگە ءدال وسى جەردە جاڭا ءۇي سالعانىنا وتە قۋانىشتىمىن. بۇرىن بۇل جەردە مەنىڭ اتا-انام تۇرعان. ءبىز وسىندا وستىك», دەپ اۋىل تۇرعىنى مارحابات سماتاەۆ قۋانىشىن ءبولىستى.
كوپبالالى وتباسىلار, «كۇمىس القا» بەلگىلەرىنىڭ يەگەرلەرى - سماتاەۆتار, بايمانوۆتار, مۋللين جانە دايىربەكوۆتاردىڭ ۇيلەرىن قالپىنا كەلتىرۋگە مۇمكىن بولمادى.
بارلىق جاڭا قونىس يەلەرى وبلىستىق ءماسليحات دەپۋتاتتارىنان, سونداي-اق وبلىستىڭ ءۇش قالاسىنىڭ ءماسليحاتتارىنان سىيلىق رەتىندە تۇرمىستىق تەحنيكالار (توڭازىتقىشتار, تەلەديدارلار, كىر جۋاتىن ماشينالار, اس ءۇي پليتالارى, كونديتسيونەرلەر جانە ت.ب.) الدى.
اقتوعاي اۋدانى تۇرعىندارىنىڭ اتىنان پاۆلودار وبلىسىنىڭ قۇرمەتتى ازاماتى, مادەنيەت سالاسىنىڭ ارداگەرى بەيسەنبى مۇقاجانوۆ مەملەكەتكە كورسەتكەن كومەگى ءۇشىن العىس رەتىندە ارناۋ ايتتى.
«شاڭىراق» مسو جانە ي. بايزاقوۆ اتىنداعى وبلىستىق فيلارمونيا ارتىستەرى اۋىل تۇرعىندارىنا جارقىن كونتسەرتتىك باعدارلاما ۇيىمداستىردى. سونداي-اق سپورتتىق جارىستار دا وتكىزىلدى.
