باق وكىلدەرىنە – زور قۇرمەت

ايتۋلى كۇندە رەسپۋبليكانىڭ تۇكپىر-تۇكپىرىنەن كەلگەن باق سالاسىنىڭ قىزمەتكەرلەرى ورتالىق كوممۋنيكاتسيا­لار قىزمەتى الاڭىنا جينالدى. الىس-جاقىننان جەتكەن جۋرناليستەر ارقا-جارقا قاۋىشىپ, امانداسىپ جاتتى. مەملەكەتتىك ناگرادالاردى پرەزيدەنت كەڭەسشىسى – پرەزيدەنتتىڭ ءباسپاسوز حاتشىسى بەرىك ءۋالي مەن مادەنيەت جانە اقپارات ءمينيسترى ايدا بالاەۆا تابىستادى.

– وسىدان 5 جىل بۇرىن مەملەكەت باسشىسى ۇكىمەتكە تاپسىرما بەرىپ, بۇقارا­لىق اقپارات قۇرالدارى قىزمەت­كەر­لەرىنىڭ ارنايى مەرەكەسىن بەكىتكەن ەدى. سودان بەرى باق قىزمەتكەر­لەرى كۇنى 28 ماۋسىمعا بەلگىلەنىپ, ءوزىنىڭ لايىق­تى ورنىن الدى. پرەزيدەنت ۇنەمى باق-تا شىققان ماتەريالدارعا نازار اۋدارىپ, گازەتتەردى وقىپ, تەلەديداردى كورىپ, سايتتارعا كوز جۇگىرتىپ وتىرادى. بارلىعىن نازاردا ۇستايدى, ارنايى تاپسىرمالار بەرىپ, شەشۋ جولدارىن كورسەتەدى. سول سەبەپتى سىزدەردىڭ قوعام­داعى ورىندارىڭىز وتە زور. شىن مانىن­دە ء«تورتىنشى بيلىك» اتىنا لايىق ەكەن­دەرىڭىزدى دالەلدەپ جۇرسىزدەر. مەملەكەت باسشىسىنىڭ رەفورمالارىن جان-جاق­تى حالىققا جەتكىزۋدە باق ۇلكەن ءرول اتقارىپ وتىر, – دەدى بەرىك ءۋالي.

ونىڭ ايتۋىنشا, بيىلعى مەرەكە­نىڭ باستى ەرەكشەلىگى – مەملەكەتتىك ناگرادالاردىڭ دەنى وڭىرلەردە, ناعىز اقپارات الاڭىندا جۇرگەن ارىپتەستەرگە بەرىلىپ جاتىر. مينيستر ايدا بالاەۆا جۋرناليستەر قاۋىمىن ءتول مەرەكەسىمەن قۇتتىقتادى.

– باق وكىلدەرى – قوعام مەن بيلىك اراسىنداعى التىن كوپىر. سوندىقتان وسى مەملەكەتتە تۇراتىن ءاربىر ازامات سىزدەردىڭ جۇمىستارىڭىزدى باعالايدى. ويتكەنى سىزدەر ارقىلى قوعامنىڭ كوپتەگەن وزەكتى ماسەلەلەرى ايتىلادى جانە بۇل مەملەكەتتىك ورگانداردىڭ جۇمىسىن جانداندىرىپ, جەتىلدىرۋگە ىقپال ەتەدى. سوندىقتان وسى ماڭىزدى ەڭبەكتەرىڭىزگە شىعارماشىلىق تابىس تىلەيمىن. ارقاشان ەلىمىزدە جاقسى جاڭالىقتار كوپ بولسىن. سىزدەردىڭ دەندەرىڭىزگە ساۋلىق, وتباسىلارىڭىزعا اماندىق تىلەيمىن, – دەدى ا.بالاەۆا.

قۇرمەت الدىمەن جۋرناليستيكا سالاسىنىڭ دامۋىنا سۇبەلى ۇلەس قوسقان مايتالماندارعا كورسەتىلدى. «قازاق­ستاننىڭ ەڭبەك سىڭىرگەن قايراتكەرى» اتاعى جۋرناليستيكا زەرتتەۋشىسى, عالىم, ارداگەر جۋرناليست قۇدايبەرگەن تۇرسىنعا, جازۋشى, پۋبليتسيست, ارداگەر جۋرنا­ليست سادىبەك تۇگەلگە, جۋرناليستيكا اردا­گەرى ماقسات تاجىمۇراتوۆقا, ءال-فارابي اتىنداعى قازاق ۇلتتىق ۋنيۆەرسي­تەتى جۋرناليستيكا فاكۋلتەتىنىڭ اعا وقىتۋشىسى ەرماحان ابدىرامانعا بەرىلدى.

«قۇرمەت» وردەنى «وڭتۇستىك قازاقستان» گازەتىنىڭ باس رەداكتورى اباي بالاجانعا, اتىراۋ وبلىستىق «پريكاسپيسكايا كوممۋنا» قوعامدىق-ساياسي گازەتىنىڭ شولۋشىسى سۆەتلانا نوۆاكقا, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى ءباسپاسوز جانە باسپا ءىسى كافەدراسىنىڭ پروفەسسورى مۇراتبەك توقتاعازينگە, «قازاقستان» رترك اق باس رەجيسسەرى قارلىعاش سماعۇلوۆاعا, «حابار اگەنتتىگى» اق ارداگەر تەلەوپەراتورى اعابەك قازانبايعا تابىستالدى.

«ەرەن ەڭبەگى ءۇشىن» مەدالىن «Ontustik» تەلەارناسى ديرەكتورىنىڭ ورىنباسارى – باس رەداكتورى گۇلسارا قۋانىشباەۆا, «حابار» جانە «24kz» تەلەارنالارى باعدارلامالاۋ جانە ەفير تاراتۋ ءبولىمىنىڭ شەف-رەداكتورى اندرەي تاراكوۆ, «El اrna» تەلەارناسىنىڭ رەجيسسەرى اسەل يگىسىنوۆا, «قازاقستان», «اقمولا» تەلەارنالارىنىڭ بۇرىنعى باس ديرەكتورى, بەلگىلى جۋرناليست ەرلان اتامباي, «Qazcontent» اق «Baq.kz» اقپاراتتىق اگەنتتىگىنىڭ اعا شىعارۋشى رەداكتورى سامال المانوۆا, «حابار» تەلەارناسىنىڭ شىعارۋشى رەداكتورى بولات كاكىبالانوۆ, «حابار اگەنتتىگى» اق «El اrna» تەلەارناسىنىڭ اعا رەجيس­سەرى بايان ارىستانوۆا, «حابار» تەلەارناسى­نىڭ جاڭالىقتار ءبولىمىنىڭ باسشىسى رۋسلان وسپان, «حابار» تەلەارناسىنىڭ جاڭالىقتار ءبولىمىنىڭ اعا رەجيسسەرى قۇرالاي جۇماعۇلوۆا, «Almaty» تەلەارناسى باس ديرەكتورىنىڭ ورىنباسارى يلزات اكچۋرين, «ەۆرازيا» تەلەارناسىنىڭ شەف-كوررەسپوندەنتى سۆەتلانا پەنكوۆا, «24kz» تەلەارناسىنىڭ شىعارۋشى رەداكتورى ەربول بەكباەۆ يەلەندى. «Abay Live» يۋتۋب-ارناسىنىڭ جۇرگىزۋشىسى اباي تىلەنشيەۆكە «شاپاعات» مەدالى بۇيىردى.

بىرقاتار ازامات مەملەكەت باسشىسى قاسىم-جومارت توقاەۆتىڭ ارنايى العىسحاتىمەن ماراپاتتالدى. مەرەيى ۇستەم بولعانداردىڭ قاتارىندا پرەزيدەنت ءىس باسقارۋشىسى ورىنباسارىنىڭ كومەكشىسى گۇلجان بايتاناەۆا, بلوگەر الماس شوراەۆ, «Qazaqstan» ۇلتتىق تەلەارناسى رەجيسسەرلەر ءبولىمىنىڭ باس رەجيسسەرى ءمارمار ورازباەۆا, «حالىق ءۇنى» اقپاراتتىق اگەنتتىگىنىڭ ءتىلشىسى داۋرەن ەربولاتوۆ, «Informburo.kz» جەلىلىك باسىلىمىنىڭ ءتىلشىسى ايگەرىم ۋممات, «استانا قالاسى كوممۋنيكاتسيا قىزمەتى» مكك باسشىسى ابزال دوسىمان, «Astana» تەلەارناسى باعدارلامالار جانە انونستار دايىنداۋ قىزمەتىنىڭ جەتەكشىسى داستان ساپاشەۆ بار.

سالتاناتتى ءىس-شارادا وتاندىق باق-تىڭ قالىپتاسۋىنا اتسالىسقان ارداگەر جۋرناليست تۇرسىنحان تولقىنباي ۇلىنا, قالامدى قارۋ ەتكەن جۋرناليستەرمەن قاتار, تاجىريبەلى ماماندار «ەرا» تەلەكومپانياسى» جشس باس ەسەپشىسى كلارا تۇرسىنباەۆاعا جانە «Egemen Qazaqstan» گازەتىنىڭ ەلەكتروندىق بايلانىس وپەراتورى ءلاززات نۇرپەيىسوۆاعا «ەڭبەك ارداگەرى» مەدالى تاپسىرىلدى.

– «Egemen Qazaqstan» گازەتىنە العاش وسىدان 22 جىل بۇرىن, 39 جاسىمدا اياق باستىم. بۇقارالىق اقپارات قۇرالدارى قىزمەتكەرلەرىمەن بىتە قايناسا, تاباندى جۇمىس ىستەپ كەلەمىز. جاھاندانۋ داۋىرىندە ماعىنالى ءارى مازمۇندى ماقالا­لار ارقىلى ۇلتتىڭ رۋحىن اسقاق­تاتىپ, بۇقاراعا ەلدىك مۇراتتاردى دارىپ­تەپ, بىرلىك پەن بەرەكەنى ناسيحاتتاۋدا اتسالىسىپ جۇرگەن ارىپتەستەرىمدى ءتول مەرەكەسىمەن قۇتتىقتايمىن, – دەدى ءلاززات نۇرپەيىسوۆا.

«اقپارات سالاسىنىڭ ۇزدىگى» توسبەلگى­سىن «قازاقستان» رترك اق ديجيتال دەپارتامەنتىنىڭ ينتەرنەت-رەداكتسيا جەتەكشىسى ءجانيا وراشەۆا, «Qazsport» تەلەار­ناسىنىڭ باعدارلامالىق قىزمەتى­نىڭ باعدارلامالار ديرەكتورى شىرىن سۇلەيمەنوۆا, «حابار اگەنتتىگى» اق «24kz» تەلەارناسىنىڭ ديرەكتورى جاسىن بىركەنوۆ, «حابار اگەنتتىگى» اق وندىرىستىك ورتالىعى بەينەمونتاجداۋ ءبولىمىنىڭ مونتاجداۋ ينجەنەرى دۋلات ەنتەبەكوۆ, «ەۋرازيا+ورت» جشس اقپاراتتىق-ساراپتامالىق جانە قوعامدىق-ساياسي باعدارلامالار ديرەكتسياسىنىڭ ءتىلشىسى گۇلنازيا زاريپوۆا, «استانا قالاسى تەلەديدارى» جشس باعدارلاما ديرەكتورى اسەل نۇكىشەۆا, «Qazcontent» اق «El.kz» اقپاراتتىق اگەنتتىگىنىڭ باس رەداكتورىنىڭ ورىنباسارى رۇستەم وماروۆ, «كازاحستانسكايا پراۆدا» گازەتىنىڭ بەت قاتتاۋ وپەراتورى ولگا دراكا, تالداۋ جانە اقپارات ورتالىعى رەسپۋبليكالىق باق مونيتورينگى باسقارماسىنىڭ باسشىسى ەرقانات مىرزاحمەتوۆ, «قازمەديا ورتالىعى» باسقارۋشى كومپانياسى» جشس اقپاراتتىق-ستۋديالىق كەشەنىنىڭ پايدالانۋ ءبولىمىنىڭ جەتەكشى ينجەنەرى ارمان قاركەنوۆ الدى.

سونداي-اق جۋرناليستەردىڭ كاسىبي مەرەكەسىنە وراي, پرەزيدەنت قاسىم-جومارت توقاەۆتىڭ اتىنان بىرقاتار بۇقارالىق اقپارات قۇرالدارى قىزمەت­كەرىنە پاتەر كىلتى تابىستالدى.

«Dara» پرەزيدەنتتىك باستامالار قورىنىڭ ۇيىمداستىرۋىمەن وتكەن ءىس-شارادا ماسس-مەديا سالاسىنىڭ قىزمەت­كەرلەرىنە پاتەر سەرتيفيكاتتارىن پرەزيدەنت كەڭەسشىسى – ءباسپاسوز حاتشىسى بەرىك ءۋالي, مادەنيەت جانە اقپارات ءمينيسترى ايدا بالاەۆا جانە «Dara» قورىنىڭ پرەزيدەنتى اسەل شىلدەباەۆا سالتاناتتى تۇردە تابىس ەتتى.

بەرىك ءۋالي مەملەكەت باسشىسىنىڭ باق سالاسىن دامىتۋعا ايرىقشا ءمان بە­رەتىنىن ايتا كەلىپ, قۋانىش يەلەرىن جاڭا قونىسىمەن قۇتتىقتادى. «پرەزيدەنتتىڭ تاپسىرماسىمەن جىل سايىن جۋرناليس­تەرگە باسپانا بەرۋ داستۇرگە اينالدى. ەڭ باستىسى, پاتەر كىلتتەرى ەلىمىزدىڭ دامۋىنا, مەملەكەت باسشىسى جۇرگىزىپ وتىر­عان رەفورمالاردى حالىققا جەت­كىزۋگە ەلەۋلى ۇلەس قوسىپ كەلە جاتقان باق وكىلدەرىنە تاپسىرىلدى. سونىڭ ىشىندە باسپانا شىن مانىندە مۇقتاج جاندارعا بەرىلىپ وتىر. اتاپ ايتقاندا, 21 پاتەر كوپبالالى وتباسىنا, 5 پاتەر جالعىزباستى انالارعا بەرىلدى. سونىمەن قاتار وتباسىن­دا مۇم­كىندىگى شەكتەۋلى بالاسى نەمەسە جۇ­بايى بار 11 ازامات باس­پانالى بولدى. پاتەر العان باق سالاسى قىزمەتكەرلەرىنىڭ ارا­سىندا 6 وتباسى وسى ۋاقىتقا دەيىن جاتاق­حانا­دا تۇرىپ كەلگەن. بۇل يگى ءداستۇر الداعى ۋاقىت­تا دا جالعاسىن تابادى. ءبىر وتباسى باسپانالى بولسا, قۋانىپ, حالىقتان ءسۇيىنشى سۇرايتىن جۋرناليستەردىڭ ءۇيلى بولۋى – وتە قۋانىشتى جاعداي», دەدى بەرىك ءۋالي.

مادەنيەت جانە اقپارات ءمينيسترى ايدا بالاەۆا مەملەكەت الەۋمەتتىك جوبالاردى تولىعىمەن قولدايتىنىن اتاپ ءوتتى. «مەملەكەت باسشىسى تۇرعىن ءۇي ماسە­لەسىنە كوپ كوڭىل بولەدى. قولجەتىمدى باس­پانا بويىنشا ءتۇرلى الەۋمەتتىك جوبالاردان باسقا, قازاقستاننىڭ ءبىر ميلليون ءۇش ءجۇز مىڭنان استام ازاماتى تۇرعىن ءۇي جاعدايىن جاقسارتۋ ءۇشىن, جالپى ءۇش تريلليون تەڭگەدەن استام زەينەتاقى جيناعىن پايدالانعانىن دا اتاپ وتكەن ءجون. بۇل مەملەكەتتىڭ ءوز ازاماتتارىنا جەردەم بەرۋىنىڭ تەڭدەسسىز تەتىگى», دەدى مينيستر.

بىلتىر مەملەكەت باسشىسىنىڭ اتىنان باق قىزمەتكەرلەرىنە 1 جانە 2 بولمەلى 65 پاتەر بەرىلگەن بولسا, بيىل 67 پاتەر ۇلەستىرىلدى. ونىڭ ىشىندە 13 باسپانا 3 بولمەلى, 45-ءى – ەكى بولمەلى, 9-ى – ءبىر بولمەلى پاتەرلەر.

كاسىبي مەرەكە كۇنى قۋانىشقا كەنەلگەن ماسس-مەديا وكىلدەرى اراسىندا گازەتىمىزدىڭ دە 6 قىزمەتكەرى بار. ولار –  جۋرناليستەر اباي ايماعامبەت, باتىر­حان سارسەنحان, جانىبەك ءاليمان, ديزاي­نەر زاۋرەش نۇعىمانوۆا, «Egemen.kz» ينتەر­نەت-باسىلىم جەتەكشىسى دينار كەرىم, رەداكتسيا قىزمەتكەرى باقىتجامال قايىپجانوۆا.