فوتو: syrdidary.kz
مەملەكەتتىك قىزمەت قاعيداتتارىن جۇزەگە اسىرۋ اياسىندا شاعىمداردى قاراۋمەن شەكتەلىپ قانا قويماي, مونيتورينگ, تالداۋ جۇمىستارىن جۇرگىزۋ ارقىلى دا مەملەكەتتىك قىزمەتشىلەردىڭ قۇقىقتارىن قورعاۋ بويىنشا ءتيىستى جۇمىستار اتقارىلعان.
وسى تۇستا, تەكسەرۋ ءىس-شارالارى اياسىندا 50-گە جۋىق ازاماتتىڭ بۇزىلعان قۇقىقتارى قالپىنا كەلتىرىلىپ, مەملەكەتتىك ورگاننىڭ لاۋازىمدى قىزمەتكەرلەرىنىڭ تارتىپتىك جاۋاپكەرشىلىكتەرى قارالدى.
دەپارتامەنت باسشىسى ە. ەرماحانبەتوۆتىڭ ايتۋىنشا, ءتيىستى جۇمىس ناتيجەسىندە مۇگەدەكتىگى بار ازاماتتىڭ بۇعان دەيىن تۋىنداعان كەدەرگىلەردىڭ سالدارىنان جۇزەگە اسىرا الماعان الەۋمەتتىك ماسەلەسى شەشىلىپ, قر ەڭبەك جانە الەۋمەتتىك قورعاۋ دەپارتامەنتىنە تىركەلۋ جانە وزگە دە راسىمدەردىڭ جۇرگىزىلۋى ارقىلى مەملەكەت تاراپىنان ولارعا كەپىلدىك بەرىلگەن الەۋمەتتىك قۇقىعىنىڭ قورعالۋىنا سەپتىگىن تيگىزگەن.
ە. ەرماحانبەتوۆ وسى جۇمىستاردىڭ بىرەگەيىن مىسال رەتىندە كەلتىردى.
«ماسەلەن, ءتيىستى مەملەكەتتىك قىزمەتشىلەردىڭ قىزمەتتەرىنە باعالاۋ جۇرگىزىلىپ, 2,5 ميلليون تەڭگە بەرىلگەن, 418 126 تەڭگە ءىسساپار شىعىندارى مەن 298 352 تەڭگە ەڭبەكاقى, جاردەماقى تولەمدەرىنىڭ ءوسىمپۇلدارى تولەنسە, 2,6 ميلليوننان استام تەڭگە مولشەرىندە جۇمىستان شىعۋ جاردەماقىلارى, نەگىزسىز ۇستەمە جۇمىس ءۇشىن 1,4 ميلليوننان استام تەڭگە مولشەرىندە تولەم اقىلار وتەلگەن. جۇكتەمە جۇمىس ىستەگەن قىزمەتكەرگە اقىسىنىڭ 20%-ى كولەمىندە ۇستەماقىسى تولەنگەن, نەگىزسىز ارتىق جۇمىسقا تارتىلعان 107 قىزمەتكەرگە اقى تولەنەتىن دەمالىس كۇندەرى بەرىلگەن, اتقاراتىن قىزمەتىنەن زاڭسىز تومەندەتىلگەن 1 قىزمەتكەر لاۋازىمىنا قايتادان ورنالاستىرىلىپ, ەڭبەكاقىسىنىڭ ايىرماسى وتەلگەن», دەپ ءتۇسىندىردى دەپارتامەنت باسشىسى.
سونداي-اق دەپارتامەنتكە جۇگىنگەن ماحامبەت اۋدانى اكىمدىگىندە قىزمەت ەتكەن 2 قىزمەتكەردىڭ شتاتتارى قىسقارتىلعان. وسىعان بايلانىستى ولارعا 2 ملن تەڭگەگە جۋىق جاردەماقى بەرىلىپ, زاڭنامامەن كەپىلدىك بەرىلگەن الەۋمەتتىك كەپىلدىكتەرى قورعالعان.
دەپارتامەنتتىڭ نۇسقاماسى نەگىزىندە ءتيىستى ۋاكىلەتتى ادامداردىڭ 30-عا جۋىق اكتىلەرىنىڭ كۇشتەرى جويىلعان.
ودان بولەك, سوڭعى ايلاردىڭ وزىندە اتىراۋ مەملەكەتتىك م ۇلىك جانە جەكەشەلەندىرۋ دەپارتامەنتىنىڭ جانە مەملەكەتتىك ساۋلەت قۇرىلىس باقىلاۋ باسقارماسىنىڭ قىزمەتكەرلەرىنىڭ ولارعا تيەسىلى 400 مىڭ تەڭگەگە جۋىق قاراجات سوماسى تولەنىپ, زاڭبۇزۋشىلىعى بويىنشا اقكول جانە ازعىر اۋىلدىق وكرۋگى اكىمدەرى جازالاندى.
دەپارتامەنت باسشىسى وسى سىندى شارالار ءالى دە جالعاساتىنىن ايتتى.
