فوتو: سەنات
«قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك باقىلاۋ مەن ستاتيستيكا, حالىقتى قورعاۋ جۇيەسىن جەتىلدىرۋ, دەرەكتەردى باسقارۋ, زاڭدى تۇلعالاردى تىركەۋ جانە ارتىق زاڭنامالىق رەگلامەنتتەۋدى بولعىزباۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ باعدارلامالىق قامتاماسىز ەتۋدى ازىرلەۋ جانە ساتىپ الۋ ءراسىمىن وڭايلاتۋدى, اكىمشىلىك دەرەككوزدەرىن بەلسەندى پايدالانۋدى كوزدەيدى. زاڭ ورتالىق جانە جەرگىلىكتى اتقارۋشى ورگانداردىڭ فۋنكتسيالارىن قايتا ءبولۋ, تسيفرلاندىرۋ قارجىسى ەسەبىنەن رەسپوندەنتتەردىڭ ەسەپتى جۇكتەمەسىن ازايتۋ ارقىلى حالىقتى الەۋمەتتىك قورعاۋدى جەتىلدىرۋگە باعىتتالعان.
سەناتورلار «جىلۋ ەنەرگەتيكاسى تۋرالى» زاڭعا جانە اكىمشىلىك قۇقىق بۇزۋشىلىق تۋرالى كودەكسكە ەنگىزىلگەن تۇزەتۋلەردى دە تالقىلادى. وزگەرىستەر جاڭارتىلاتىن ەنەرگيا كوزدەرىن ەنگىزۋگە, تاريفتەردى مەملەكەتتىك رەتتەۋ, جەلىلەرگە تەحنيكالىق قىزمەت كورسەتۋ ەرەجەلەرىن بۇزعانى جانە جىلۋمەن جابدىقتاۋ جۇيەسىنە ءوز بەتىنشە قوسىلعانى ءۇشىن جاۋاپتىلىققا باعىتتالعان. بۇل شارالار جىلۋمەن جابدىقتاۋدىڭ سەنىمدىلىگى مەن ۇنەمدىلىگىن ارتتىرۋعا, ەنەرگيانى ءوندىرۋ مەن تۇتىنۋ كەزىندە ءتيىمدى باقىلاۋدى قامتاماسىز ەتۋگە ارنالعان.
پارلامەنتشىلەر «قازاقستان رەسپۋبليكاسىنىڭ ۇكىمەتى مەن بىرىككەن ۇلتتار ۇيىمى اراسىنداعى تسيفرلىق ينكليۋزيا جانە ترانسفورماتسيا جونىندەگى ازيا-تىنىق مۇحيتى مينيسترلىك كونفەرەنتسياسىن ۇيىمداستىرۋ تۋرالى كەلىسىمدى راتيفيكاتسيالاۋ تۋرالى» زاڭدى دا قارادى. كەلىسىم ەلىمىزدىڭ ەكسپورتتىق الەۋەتىن ارتتىرادى جانە IT-تەحنولوگيالار سالاسىنداعى قازاقستاندىق شەشىمدەردى حالىقارالىق دەڭگەيدە كورسەتۋگە مۇمكىندىك بەرەتىن بولادى.
كوميتەت وتىرىسىنىڭ قورىتىندىسى بويىنشا زاڭداردى پالاتا وتىرىسىنىڭ قاراۋىنا جىبەرۋ تۋرالى شەشىم قابىلداندى.
