فوتو: istockphoto.com
كوپتەگەن ماماندىقتار ءۇشىن كوللەدجگە قابىلداۋ GPA نەگىزىندە جۇرگىزىلەدى. اۆتوماتتاندىرىلعان اقپاراتتىق جۇيە ۇمىتكەرلەردىڭ رەيتينگىن مىندەتتى جانە بەيىندىك پاندەر بويىنشا ورتاشا كونكۋرستىق بالعا سايكەس جۇرگىزەدى.
پەداگوگيكالىق ماماندىقتار ءۇشىن, سونداي-اق ونەر جانە مادەنيەت سالاسىنداعى ماماندىقتار ءۇشىن شىعارماشىلىق نەمەسە ارنايى ەمتيحاندار قاراستىرىلعان. مەديتسينالىق ماماندىقتار ءۇشىن ۇمىتكەرلەر پسيحومەتريالىق تەستىلەۋدەن ءوتىپ, كونكۋرسقا قاتىسۋعا رۇقسات الۋى كەرەك.
جەڭىلدىكپەن وقۋعا حالىقتىڭ الەۋمەتتىك وسال توپتارىنىڭ, ونىڭ ىشىندە I جانە II توپتاعى مۇگەدەك بالالار, كوپبالالى جانە تولىق ەمەس وتباسىلارداعى, جەتىم بالالار مەن اتا-اناسىنىڭ قامقورلىعىنسىز قالعان بالالار, سونداي-اق اۋىل جاستارىنان شىققان تالاپكەرلەر وقۋعا تۇسە الادى. ول ءۇشىن ءتيىستى راستايتىن قۇجاتتاردى ۇسىنۋ قاجەت.
قابىلداۋ ءۇشىن قاجەتتى قۇجاتتار:
- كانديداتتىڭ اتا-اناسىنىڭ بىرەۋىنىڭ نەمەسە زاڭدى وكىلدەرىنىڭ ەلەكتروندىق تسيفرلىق قولتاڭباسى قويىلعان ەلەكتروندىق قۇجات نىسانىنداعى ءوتىنىشى;
- ءبىلىمى تۋرالى قۇجاتتىڭ ەلەكتروندىق كوشىرمەسى;
- № 075-ۋ نىسانىنداعى مەديتسينالىق انىقتامالاردىڭ ەلەكتروندىق كوشىرمەلەرى.
ولشەمى 3ح4 سم تسيفرلىق فوتوسۋرەت پەن ءوتىنىش بەرۋشىنىڭ جەكە باسىن كۋالاندىراتىن قۇجات تۋرالى مالىمەتتەردى مەملەكەتتىك اقپاراتتىق جۇيەلەردەن «ەلەكتروندىق ۇكىمەت» ارقىلى الادى.
