فوتو: ۆيدەودان كادر
الەۋمەتتىك جەلىنى شۋلاتقان ۆيدەو جارناما ماقساتىندا تۇسىرىلگەنى انىقتالدى. بەينەروليكتە ديماشتىڭ اق كويلەك كيگەن «قالىڭدىعىنا» نەكە جۇزىگىن سىيلاپ جاتقانىن كورۋگە بولادى.
«بەينەجازباداعى قىز ناتاليا پەتري – بىلتىر الماتىدا وتكەن سۇلۋلىق بايقاۋىنىڭ جەڭىمپازى. اباي اتىنداعى قازۇپۋ-دا «عىلىمي فيزيكا» ماماندىعى بويىنشا ءبىلىم الادى. ناتاليا بالا كەزىنەن فيزيكاعا عانا ەمەس, حيميا مەن ماتەماتيكاعا دا قىزىعۋشىلىق تانىتىپ, وسى سالادا مۇعالىم بولۋدى ۇيعارعان. ناتاليا ۇلتتىق بي ونەرىمەن اينالىسادى, قازاق مادەنيەتىن جاقسى كورىپ, قازاق تىلىندە ەركىن سويلەيدى. ونىڭ اكەسى - نەمىس, اناسى - قازاق. جارنامالىق پلاكاتتار الماتى مەن استانا قالاسىنىڭ بيلبوردتارىندا پايدا بولا باستادى», دەلىنگەن اشىق اقپارات كوزدەرىندە.
