بايقاۋدا قۇتقارۋشىلار, پوليتسەيلەر, ءورت سوندىرۋشىلەر, اكۋشەرلەر, جەدەل جاردەم قىزمەتكەرلەرى جانە تاۋ-كەن ءوندىرىسى ماماندارى باق سىناي الادى. جەڭىمپازدار «جانقيارلىق», «التىن جۇرەك», «ونەركاسىپ», «بولاشاق تۋرالى قامقورلىق», «ادامگەرشىلىك», «كومەك قولى», ء«بىزدىڭ ءۇي» اتالىمى اياسىندا انىقتالادى.
– «Jas Kenes Syilygy» – بۇل تاۋەلسىز سىيلىق. جوبانىڭ باسقا بايقاۋلاردان ايىرماشىلىعى – باسشىلار مەن توپ-مەنەدجەرلەر قاتىسا المايدى. جوبانىڭ ماقساتتى – اۋديتورياسى تەك 35 جاسقا دەيىنگى ماماندار. سىيلىق قوعام ءۇشىن ماڭىزدى ەكونوميكالىق سالالاردا جۇمىس ىستەيتىن جاس وتانداستارىمىزدى كوتەرمەلەۋ, قولداۋ, ىنتالاندىرۋ ماقساتىندا بەرىلەدى. بايقاۋدىڭ جۇلدە قورى – 14 ملن تەڭگە. ءار جەڭىمپازعا 1 ملن تەڭگەدەن بولىنەدى, – دەيدى پرەزيدەنت جانىنداعى جاستار ساياساتى جونىندەگى كەڭەستىڭ مۇشەسى ءادىل قۇسمانوۆ.
جوبا مادەنيەت جانە اقپارات مينيسترلىگىنىڭ قولداۋىمەن جۇزەگە اسىرىلىپ جاتىر. ول ءۇشىن ىرىكتەۋ ءۇش كەزەڭنەن تۇرادى. العاشقى ساتىدا وتىنىمدەر قابىلدانىپ, ءجىتى تەكسەرىلەدى. ەكىنشى كەزەڭدە كانديداتتاردىڭ تۇيىندەمەلەرى مەن موتيۆاتسيالىق ەسسەلەرى سارالانادى. كەيىن سىيلىقتىڭ قۇرىلتايشىلارىمەن سۇحبات بولادى. ناتيجەسىندە, ءار اتالىم بويىنشا ەكى جەڭىمپاز تاڭدالادى.
جاستار ساياساتى جونىندەگى كەڭەستىڭ باستاماسىمەن قۇرىلعان تاۋەلسىز جاستار سىيلىعىندا باق سىناۋ ءۇشىن ءار وتانداسىمىز وتىنىمدەرىن 21 شىلدەگە دەيىن Jaskenes.kz/application سايتىندا قالدىرا الادى.
